Wezîrê Karên Derve yê Amerîkayê Marco Bûbîo diyar kir ku du bijartek li benda wan bûne û an dê Sûriye bibûya 18 perçe an jî dê Şara tecrîh bikirana. Hêjayî gotinê ye ku gelek derdoran îdîa dikir ku DYA dixwaze Sûriyê perçe bike.
Wezîkê Karên Derve yê Amerîkayê Marco Rûbîo li ser mijara Sûriyê daxuyaniyek wekî îtîrafê da. Rûbîo anî ziman ku li Sûriyê du vebijarkên wan hebûne û wiha got: “Vebijarka yekem ew bû ku em bihêlin welat li 18 perçeyên cuda were dabeşkirin. Ev dihat wateya şerekî navxweyî yê dirêj, bê îstikrarî, koçberiya girseyî, çêbûna qada lîstikê ji bo terorîstan ku DAIŞ li her derê belav bibe, Îran dîsa bikeve nav tevgerê. Ev vebijarka yekem bû.”
‘Vebijêrka duyemîn Şara bû’
Rûbîo wekî bijarteka duyemîn jî tercîhkirina Serokê Demkî yê Hikumeta Sûriyê Ahmet Şara destnîşan kir û wiha axivî: “Vebijêrka duyemîn ew bû ku em bibînin gelo mimkûn e ku em bi van desthilatên demkî ango bi Serok Şara û tîma wî re bixebitin? Texmîn bikin çi qewimî? Me vebijêrka duyemîn hilbijart ji ber ku ew bi aqilane bû. Ji ber vê yekê, ev bijartek dê hêsan be? Na. Dê zehmet be? Bêguman. Dê rojên baş û rojên xirab, bilind û nizim hebin? Bêguman.”
DYAyê hikumetek li gorî xwe tercîh kir
Di destpêka kaosa Sûriyê heta niha de hem dijberên Tevgera Azadiya Kurdistanê û hem jî dijminên gelê Kurd heman îdîa dubare dikir. Aliyekê îdîa dikir ku DYA dixwaze dewletek bi destê PKKê ava bike lê çi dibe bila bile destûrê nadin vê yekê. Li aliyê din jî dijberên Tevgera Azadiyê jî îdîa dikirin ku DYA û Îsraîl dixwazin dewletek Kurd ava bikin lê Rêberê Gelê Kurd Abdullah Ocalan naxwaze. Lê bi ev îtîraf zelal dike ku DYA ji bo Sûriye cardin mîna netew dewletê bê parastin tercîha xwe kiriye. Hêjayî gotinê ye ku êrişên li ser Rojavayê Kurdistanê jî bi armanca temamkirina vê tercîhê pêk hatiye.
