Koçberên Efrînê yên ku niha li stargehên li Girkê Legê dijîn, xwestin ku dagirkeriya li ser axa wan bi dawî bibe da ku bi awayek ewle vegerin mal û gundên xwe yên li Efrînê kir.
Koçberên Efrînê niha li stargeheke li bajarê Girkê Legê dimînin ji ANHAyê re axivîn û daxwazên xwe anîn ziman. Koçberan êş û azarên xwe yên ji ber koçberiya dubare anîn ziman û daxwaza vegera ewle bo mal û malên xwe yên li Efrînê kir. Emel Qenber 3 caran bi zorê koçber bûye, got ku koçberiya herî dawî pir dijwar bû û diyar kir ku otomobîla wan di rê de xerab bûye. Emel got anî ziman ku piştî ew gihaştin stargehê pêdiviyên bingehîn ji bo wan hatine peydakirin, lê daxwaza wan a sereke vegera ewle bo malên wan e.
Di şert û mercên giran de dijîn
Ehmed Sîdo jî 4 caran bi zorê koçber bûye, diyar kir ku êşa şêniyan ne ji şert û mercên dijwar ên koçberiyê, lê erd, mal û milkên wan li Efrînê dagîrkirî ne. Sîdo xwest di zûtirîn demê de vegerin Efrînê. Meryem Mela Nesan jî 4 caran ji warê hatiye koçberkirin, destnîşan kir ku xelkê Efrînê di van demên dawîn de zehmetiyên mezin kişandine, gelek malbat neçar mane di şert û mercên dijwar ên zivistanê de li ser rêyan bimînin û zarok û jinan êşên giran kişandine. Meryemê da zanîn ku şênî daxwaza vegera mal û gundên xwe, derxistina nişteciyan ji malên wan û vegera ewle ya şêniyên resen bo bajarê xwe dikin.
