Wezareta Perwerde û Fêrkirinê ya Hikumeta Demkî ya Sûriyeyê li Şamê peymanên mamosteyên Elewî yên rêveberiya dibistanan dikin, betal kir.
Wezareta Perwerde û Fêrkirinê ya Hikumeta Demkî ya Sûriyeyê bêyî ku biryareke fermî bide, mamosteyên ji bo rêveberiya dibistanan hatibûn diyarkirin, ji kar derxistin. Mamosteyan got wan peyman ji bo 5 salan çêkiribû lê niha bêyî ku biryareke fermî hebe, ew ji kar dûr xistine. Mamosteyan diyar kir ku ev kiryar li gorî rêgezên edaletê nîn e.
Kesên ji kar fam nakin anîn ser kar
Her wiha mamosteyan anîn ziman ku gelekî şerm e mamosteyên Elewî bi devkî ji xebatê werin derxistin û wiha gotin: “Ev nêzîkatî bi destê kesên ji xebatên rêveberiyê fêm nakin, hatiye kirin û ew zêdetir ji Idlibê ne, tecrubeyên wan nîn in û zanîngeh nexwendine. Kesên ku van biryaran didin, dizanin hemû mamosteyên peyman çêkirine zêdetir Elewî ne. Mamosteyên xwendine û tecrubeyên wan hene ji xebatê derxistin û ji Idlibê karmendên ku navê şoreşgeran li wan kirine, xistin şûna mamosteyan.”
Mamosteyan got zilm li wan hatiye kirin û daxwaz dikin ku peymanên wan bên dirêjkirin û ji kesên ew ji xebatê dûr xistine, hesab were xwestin.
