Komeke stranbêjên Kurd ku navê “Rêwiyên Hunera Welat” li xwe kirine ji bo balê bikişînin ser berxwedana Rojava û piştgiriya xwe nîşan bidin strana bi navê “Cenga Netewî” amade kirin û weşandin.
Komek stranbêjên Kurd ku navê “Rêwiyên Hunera Welat” li xwe kirine ji bo balê bikşînin ser berxwedana Rojavayê Kurdistanê û piştgiriya xwe nîşan bidin, bi navê “Cenga Netewî” stranek bi tevî klibê wê ve amade kirin. Klîb hate weşandin û di stranê de peyama yekîtiya Kurdan tê dayîn.
Hunermendên ku di stran-klîbê de cih girtin, ev in: Azad Karahan, Rêzan Şîrwan, Şahîn Farqîn, Zînê Koçber, Hozan Bengî, Zîlan Nar, Gokhan Çîftçî, Koma Rec, Heval Fîrar, Evîn Sindî, Ciwan Weysel.
Aliyê teknîkî û hunerî yê stranê ji aliyê van navan ve hat amadekirin: Gotinên Stranê: Yilmaz Tekin û Şahîn Farqîn, muzîk: Yilmaz Tekîn, derhêner: Yusuf Erol.
Peyama yekîtî û azadiyê
Stran bi taybetî balê dikişîne ser yekîtiya Bakur, Başûr û Rojhilat ku ji bo piştgiriya Rojavayê Kurdistanê bûne yek xelek û yek deng. Di gotinên stranê de banga têkoşîn, tolhildan û azadiyê tê kirin. Bi taybetî rola ciwanan û berxwedana keç û xortên Kurd ên ku canê xwe feda dikin, wekî hêviya azadiya Kurdistanê tê pênasekirin.
Gotinên bi vî rengî ne:
“CENGA NETEWÎ
Bakur Başûr Rojhilat tevde bûne yek
Ji bo gelê Rojava bûne yek xelek
Diherikin ji sê alîyan têne lek bi lek
Çar hêlê Kurdistanê bûne yek dilek
Sond û soza gelê me azadiya te
Tekoşîn û Berxwedan ji bo Rizgariya te
Şoreş û cenge li ser axa te
Ciwanên me wa hildidin tol û heyfa te
Keç û xortên mey çeleng hatin meydanê
Hêvi xistin dilê me bi berxwedanê
Canê xwe feda dikin ji bo jiyanê
Wê azadîyê bînin ji bo Kurdistanê”
