Hêzên Hikûmeta Demkî ya Sûriyeyê 7ê Sibata 2026an de li gundê Metûna yê ku bakurê Siwêdayê êrişî 10 cotkaran kir. Di encama êrişê de 4 cotkar jiyana xwe ji dest dan, du cotkar birîndar bû û aqûbeta cotkarên din nayê zanîn.
Êrişên çeteyên girêdayî Hikûmeta Demkî ya Şamê li herêmê berdewam dikin. Rayedarên Hikûmeta Demkî ragihandin ku êrişa li Siwêdayê li dijî cotkaran pêk hatiye endamekî wan pêk aniye. Hêzên Parêzvanên Nîştimanî yên Siwêdayê ragihandin ku di êrişê de 4 cotkar hatine kuştin, 2 cotkar birîndar bûne û aqûbeta cotkarên din nayê zanîn.
Rêveberê Hêzên Ewlekariya Hundirîn ê Siwêdayê Husam El Tehan derbarê êrişê de agahî dan ajansa nûçeyan a girêdayî Hikumeta Demkî.
Husam El Tehan diyar kir ku lêkolîn bi alîkariya kesekî ji êrişê filitiye tên kirin û da zanîn ku li gorî lêkolînên destpêkê, guman li ser endamekî Rêveberiya Hêzên Ewlekariya Hundirîn a herêmê heye ku êriş ji aliyê wî kesî ve hatibe kirin. Her wiha hat gotin ku gumanbar hatiye binçavkirin û lêpirsîn hatiye destpêkirin.
Fermandariya Siwêdayê: Hêzên Hikûmetê cotkaran kuşt
Fermandariya Parêzvanên Nîştimanî ya Siwêdayê jî der barê êrişê de daxuyaniyek weşand. Di daxuyaniyê de hate diyarkirin ku hêzên li herêmê bi cih bûne, rê nedan cotkaran ku biçin nava zeviyên xwe û piştre gule li cotkaran reşandine. Di encama gulebarana çeteyên girêdayî Hikûmeta Demkî de 4 cotkar hatin kuştin, yek jê bi giranî, 2 cotkar birîndar bûne. Derbarê aqûbeta cotkarên din de tu agahî nehatin bidesxistin.
Di daxuyaniya Fermandariya Parêzvanên Niştimanî ya Swêdayê de hate destnîşankirin ku êrişa li dijî sivîlan binpêkirina qanûnên mirovî yên navneteweyî ne. fermandarî bang li saziyên navneteweyî û rêxistinên mirovî kir ku bûyerê bişopînin û hesaba ji berpirsên wan bixwazin.
