Serokê Ragihandina Ewlekarî ya Iraqê Sead Mean ragihand ku wan ji Sûriyeyê 2 hezar û 250 çeteyên DAIŞê girtine.
Serokê Ragihandina Ewlekarî ya Iraqê Sead Mean di daxuyaniya ji bo ajansa fermî ya Iraqê (INA) de ragihand ku bi hevkariya Hêzên Hevpeymaniya Navneteweyî bi rêya hêzên ewlekariyê ji Sûriyeyê bi rêya esmanî û bejahî 2 hezar û 250 çeteyên DAIŞê girtine.
Sead Mean anî ziman ku bi rêyên ewle û paristî ew hatine girtin û bicihkirin. Mean destnîşan kir ku weke hikûmet hemû tedbîrên pêwîst girtine ku rêgirî li xeteriyên ku ne tenê li ser Iraqê belkû li ser tevahî cîhanê bidin sekinandin.
Serokê Ragihandina Ewlekari ya Iraqê Sead Mean ragihand ku tîmên taybet dest bi lêkolîn û lêpirsînê kiriye û li gorî asta xeteriyê wê bên cudakirin û got: “Wê di bin çavdêriyeke raste rast ya dadgehê de mikûrhatinên wan bên tomarkirin.
Mean anî ziman ku her kesê endamê çeteyên DAIŞê ku li dijî Iraqê sûc kiribe wê bê dadgehkirin.
Li aliyê din Mean diyar kir ku Wezareta Derve ji bo girtina çeteyên biyanî bi welatên derve re di nava têkiliyê de ye.
Herî dawî Mean ragihand her gava ku proseya lêpirsîn û yasayî temam bû wê çeteyên DAIŞê yên biyanî radestî welatên wan bike. Mean got ku hêzên ewlekariyê wê erkê xwe yên têkildarî vê mijarê dewam bikin.
