Komploya Navneteweyî ya 15ê Sibatê dê îsal li Bakurê Kurdistanê û Tirkiyeyê dê bi çalakiyên cur bi cur ên wekî civîn, daxuyanî û meşan bê şermezarkirin. Her wiha dê bi civînên gel de pêvajo dawî jî bi gel re bê nirxandin.
Komploya Navneteweyî ya 15ê Sibatê ku her sal li tevahiya Kurdistanê û li derveyî welat tê şermezarkirin, dê îsal li Bakurê Kurdistanê û Tirkiyeyê bi çalakiyên cur bi cur bê şermezarkirin. Çalakiyên îsal dê bi pêşengiya Platforma Saziyên Demokratîk pê bê.
Gel dê bi civînan komplo bê nîqaşkirin
Di çarçoveya çakakiyên sala 27an de li gelek bajar û navçeyan dê civînên gel pêk bên. Di civînan de ligel pêşketinên dawî yên li Kurdistanê, êrişên li ser Rojavayê Kurdistanê û têkiliya van a bi Komploya Navneteweyî ya 15ê Sibatê re bê nirxandin. Li ser perspektîfa Rêberê Gelê Kurd Abdullah Ocalan a wekî, “Êrişên li hemberî Rojava duyemîn Komploya Navneteweyî ya 15ê ye” dê êrişên dawî bên nîqaşkirin. Her wiha têkildarî bergiriyên li dijî van êrişan û têkoşîna dema pêş de jî dîtin bên girtin.
Li gelek bajaran meş û daxuyanî
Piştî civînên gel li gelek bajaran dê amadekariyên meşan bên kirin. Li hemû bajar û navçeyên Bakurê Kurdistanê û Tirkiyeyê dê bi awayekî hemwext meş bên lidarxistin. Di meşan de dê Komploya Navneteweyî ya 15ê Sibatê û kompolaya niha li dijî gelê Kurd tê meşandin bi hev re bê şermezarkirin. Di meşan de dê balê bikişîn ser azadiya fîzîkî ya Rêberê Gelê Kurd Abdullah Ocalan û yekitiya neteweyî.
Banga tevlêbûnê
Platfoma Saziyên Demokratîk bang li hemû gelê Kurd kir ku tev li meşên dê li hemû bajaran seat di 18.00an de dest pê bike. Hate zanîn ku siyasetmedar, nûnerên saziyên civakî û hiqûqnas dê tev li civînên gel bibin û hem derbarê pêşketinên dawî de agahdarî bikin û hem jî nêrîn û pêşniyarên gel bigirin.
