Heyva Sor a Kurd û saziyên Rêveberiya Xweser bi hemû derfetên xwe alîkariya mirovî li malbatên hatine bajarên Kantona Cizîrê belav dikin.
Di çarçoveya seferberiya giştî ya li Rojava alîkariya mirovî û piştevaniya malbatên bi darê zorê koçber bûne didome, alîkariyên mirovî ji bo malbatên koçber ên ji Reqa û Tebqa hatine dewam dike. Ev alîkarî bi hevkariya Dezgeha Xêrxwaziyê ya Barzanî, endamên Kongra Star, Heyva Sor a Kurd û hejmarek saziyên sivîl û mirovî yên li herêmê tên belavkirin, rojane xwarina danan li navendên bicihbûnê yên li bajarên kantonê li koçberan tên belavkirin.
Van saziyan bi awayekî kolektîv, bi rihekî berpirsiyarane xwarinê çêkirin û li koçberan belav kirin. Organîzatoran diyar kir ku armanc ne tenê pêşkêşkirina xwarinê ye, lê bi koçberan bidin hîskirin ku ew bi ewle ne, di nava xelkê xwe de ne û ne bi tenê ne. Welatiyên bi darê zorê koçber bûne, di gel vê zivistanê de û li kêlek derfetên kêm, di şert û mercên jiyanê yên zehmet de ne.
