Platforma Parastin û Hevgirinê ya Bajêr a Amedê 15 TIRên alîkariyê ji bo Kobanê şand. TIRên bi rê ketine li ser sînorê navçeya Kobanê hatin sekinandin.
Platforma Parastina Bajêr a Amedê ji bo hewcedariyên jiyanî yên Kobanê, 15 TIRên ji pêdiviyên jiyanî pêk tê ji Kobanê re şand. TIRên ji Amedê bi rê ketine li sînorê navçeya Pirsûsê ya Rihayê hatin sekinandin. Parlamentera DEM Partî ya Rihayê Adalet Kaya, endamên rêxistinên bajêr û navçeya Pirsûsê yên DEM Partiyê çûn cihê ku TIR lê hatinê sekinandin. Her wiha hat diyarkirin ku leşker xwestine ku TIRan paş ve bişînin û berê wan bidin ser rêya Dîlokê. Li ser vê yekê parlamenterên DEM Partiyê pêşî li vê yekê girtin û nehiştin TIR werin vegerandin.
