* Endamên Karwanê Gelan ku ji ciwanên enternasyonalîst pêk tê, diyar kirin ku divê ew li gel hevdu bisekinin û her kes piştgirî bide Şoreşa Rojava û gotin: “Çareserî xwerêxistinkirin û avakirina komunan e.”
* Jinên ku bi Însiyatîfa Pêdiviya Min Bi Aştiyê Heye ya Jinan re ji bajarên Tirkiye û Bakurê Kurdistanê berê xwe dan navçeya Pirsûsê diyar kirin ku êriş li dijî paradîgmaya Rêberê Gelê Kurd Abdullah Ocalan e û heta êriş rawestin dê têkoşîna xwe bidomînin.
* Welatiyên ji Wanê ku tevî meşê bûn êrişên çeteyên HTŞê şermezar kirin û wiha gotin: “Çete ji dewleta Tirk û dewletên cîhanê hêzê digirin û êrişî gelê Kurd dikin.”
* Hunermend Bermal Çem û Alî Baran piştgiriya xwe ya ji bo Rojava anîn ziman û diyar kirin ku gelê kurd careke din nîşan da ku dema dibin yek tu hêz nikare wan têk bibe.
* Welatiyên Amedê têkildarî êrişên li ser Rojava nerazîbûna xwe anîn ziman û gotin: “Çalakiyên me yên li dijî êrişan asteng dikin. Ka xwîşk û biratiya gelan?”
* Platforma Saziyên Demokratîk, dê li Şirnexê, li navçeya Hawêl a Sêrtê, li navçeya Gimgimê ya Mûşê, li navçeya Geverê ya Colemêrgê, li navçeya Qelqeliyê ya Wanê, li navçeya Panosê ya Agiriyê û li navçeyên Tekman, Qereyazi û Xinûsê yên Erziromê ji bo xwedîderketina destkeftî û berxwedana Rojava meş bên lidarxistin û daxuyanî bên dayîn. (11.00 – 17.00)
* Rêxistinên kedê û rêxistina DEM Partiyê ya navçeya Peyasê dê nobeta ku ji bo Rojava li Qada Şêx Seîd hatiye destpêkirin di roja 5emîn de bidomînin. (13:00-17:00)
* Komeleya Alimên Êlihê (DADER) li dijî êrişên li ser Rojavayê Kurdistanê dê li ber Peykerê Mafên Mirovan li serê Cadeya Gulistanê daxuyanî bide. (14:00)
