Platforma Saziyên Demokratîk a Wanê li dijî êrişên qirkirinê yên li ser Rojavayê Kurdistanê bi tevlibûna hezaran kes meşeke bi heybet li dar dixe.
Platforma Saziyên Demokratîk a Wanê ji bo balê bikşîne ser êrişên çeteyên HTŞê, DAIŞê ku piştgiriya xwe ji Tirkiyeyê digirin, ji ber Wan AVMê dest bi meşê kir û dê girse heta Parka Aştiyê ya Mûsa Anter bimeşe. Bi hezaran welatiyên Wanê li ber AVMê hatine cem hev û bi dirûşmên “Bijî berxwedana Rojava”, “Yek e yek e yek e gelê Kurd yek e” û “Rojava Rojhilat e Kurdistan yek welat e” nerazîbûnên xwe tînin ziman.
Hevserokê Giştî yê Partiya Herêmên Demokratîk (DBP) Keskîn Bayindir, parlementerên DEM Partiyê yên Wanê, hevşaredarên bajarê mezin û navçeyan, rêveber û endamên partiyên siyasî, nûnerên saziyên sivîl, Dayikên Aştiyê, aktîvîstên TJA û bi hezaran welatî di meşê de cih digirin.
Her wiha li navçeya Pirsûsê ya Rihayê û li navçeya Şemrexê ya Mêrdînê jî li dijî êrişên qirkirinê daxuyanî tên dayîn.
Berfirehiya nûçeyê tê…
