Ji ber êriş û dorpêça çeteyên HTŞ, SMO û DAIŞê ceryna, av, peywendî nîn in, derman û sotemenî li ber xelasbûnê ne. Nexweşxaneya Şûştina Gurçikan bi xeteriya girtinê re rû bi rû ye.
Êriş û dorpêça çeteyên HTŞ, SMO û DAIŞê li ser bajarê Kobanê û gundewarên bênavber didome. Ji ber dorpêç û êrişên çeteyan li Kobanê ceryan, av û înternat qut bû, Ev jî rewşa mirovî, bi taybet li kêlek koçberiya ji bajarên Tebqa, Reqa, Kampa Girê Spî û gunewarê Kobanê, ber bi Kobanê ve, girantir kir.
Rewşa tenduristiyê li hundirê bajêr her ku diçe xirabtir dibe, ji ber ku derman li nexweşxane, dermanxane û navendên tenduristiyê gelekî kêm bûne, di heman demê de Nexweşxaneya Şûştina Gurçikan jî li ber girtinê ye, 30 nexweşên gurçikan bi xeteriya girtinê re rû bi rû ne.
Rêveberê beşa şûştina gurçikan a Nexweşxaneya Miştenûr Mihemed Osman têkildarî zehmetiyên nexweşan ji ANHAyê re şîrove kir.
Osman got: “Em ê di rojên pêş de piştî ku derman nemînin Nexweşxaneya Şûştina Gurçikan bigirin. Niha ji ber qutbûna kehrebê, em jenetoran pê dixin. Lê mazotê jî li ber xelasbûnê ye.”
Osman bang li rêxistinên mirovî û welatên Ewropî kir ku bi lez destwerdanê bikin da ku dorpêça li ser bajarê Kobanê were rakirin û êrişan rawestînin, ji bo sivîl û nexweşên ku bi mirinê re rû bi rû ne werin rizgarkirin.
