Wezîrê Karên Derve yê Amerikayê Marco Rubio hişyarî da Serokwezîrê Iraqê Mihemed Şiya Sûdanî û jê xwest ku li Iraqê di bin kontrola Îranê de hikûmet ava nebe.
Wezareta Karên Derve ya Amerîkayê ragihand ku Wezîrê Karên Derve Marco Rubio bi rêya telefonê bi Serokwezîrê Îraqê Mihemed Şiya Sûdanî re axivî.
Wezîrê Karên Derve yê Amerikayê Marco Rubio bi Serokwezîrê Iraqê Mihemed Şiya Sûdanî re li Iraqê li ser avakirina hikumeta nû axivî û ji Sûdanî xwest ku li Iraqê hikûmet ne li gorî siyaseta Îranê bê avakirin. Marco Rubio diyar kir ku li Iraqê hikûmeteke wisa bê avakirin nabe ku Amerîka bi wê re di nava hevkariyê de be. Hat gotin ku rewşeke wisa derkeve holê dê hevkariya Bexda û Washingtonê sist bibe.
Cîgirê Serekê Berdevkê Wezareta Karên Derve ya Amerîkayê Tommy Pigottê naveroka telefonona ku di navbera Marco Rubio û Mihemed Şiya Sûdanî pêk hat aşkera kir. Di daxuyaniyê de hat gotin ku Marco Rubio hewldana hikûmeta Iraqê ya ji bo veguheztina girtiyên DAIŞê xweşbîniya xwe aniye ziman.
Hat diyarkirin ku Wezîrê Karên Derve yê Amerîkayê û Serokwezîrê Îraqê li ser geşedanên dîplomatîk rawestiyane. Bi taybet jî li ser çeteyên DAIŞê yên ne ji Iraqê ne jî hatiye axaftin.
Marco Rubio: Hikûmeta ku çêbibe divê ne hevkarê Îranê be
Di daxuyaniyê de tê gotin ku Marco Rubio ji bo avakirina hikûmeta nû ya li Iraqê peyameke zelal daye Serokwezîrê Iraqê Sûdanî. Hat diyarkirin ku di vê peyamê de hatiye xwestin ku hikûmeteke ku ji aliyê Îranê ve were kontrolkirin, nikare ji bo pirsgirêkên li heremê bêalî tevbigere.
Hat destnîşankirin ku Marco Rubio ragihandiye ku hikûmeteke bi wî rengî nikare di navbera Amerîka û Iraqê de hevkariyê ava bike. Hat diyarkirin ku her du aliyan jî helwesta xwe ya ji bo aramiya heremê diyar kirine.
