Rêxistina DEM Partiyê ya Foçayê bi meş û daxuyaniyekê êrişên li ser Rojava şermezar kir û destnîşan kir ku Rojava ne tenê herêmek, lê bi pêşengiya jinan modela jiyana azad û hevpar e.
Rêxistina DEM Partiyê ya navçeya Foçaya Îzmîrê, li dijî êrişên li ser Rojava meşek li dar xist. Girseya ku li ber Bazara Bagarasî kom bû, heta meydana taxê bi dirûşm û dowîzan meşiya. Di daxuyaniyê de bal kişandin ser gefên komên çete û yên wekî HTŞ û DAIŞ’ê û peyama Rojava hêvî û berxwedana hate dayîn.
‘Rojava modela jiyana hevpar e’
Li ser navê girseyê daxuyanî ji aliyê Ozgul Turuncoglu ve hate xwendin. Turunçoğlu destnîşan kir ku êrîşên li ser Rojava ne tesaduf in û wiha got: “Tiştên ku li Rojava diqewimin, encama hesabên qirêj ên hêzên herêmî û navneteweyî ne. Armanc herifandina vîna gelê Kurd e.
Ozgul Turuncoglu diyar kir ku Rojava tenê herêmek nîn e; ew mîrateya hevpar a Kurd, Ereb, Suryanî, Ermenî, Tirkmen, Elewî, Êzîdî, Mesîhî û Suniyan e û pê de çû: “Ev model bi pêşengiya jinan hat avakirin û nîşan da ku li Rojhilata Navîn şer û zilma mêran ne qeder e. Ji ber ku Rojava nûnertiya azadiyê dike, ne tenê bi çekan, bi awayekî îdeolojîk jî tê hedefgirtin.”
Daxuyanî û meş bi berzkirina dirûşme û çepikan bi dawî bû.
