Li gorî rapora Ajansa Mafê Mirovan (HRANA) heya niha zêdetirî 5 hezar kes li Îran û Rojhilatê Kurdistanê di xwepêşandanan de hatine kuştin.
Li gorî Ajansa Mafê Mirovan (HRANA) derbarê xwepêşandanên li Îran û Rojhilatê Kurdistanê de raporek nû belav kir. Li gorî raporê, di dema xwepêşandanên şermezarkirinê de herî kêm li Rojhilatê Kurdistan û Îranê 5 hezar û 459 kes hatin kuştin. Herwiha 40 hezar û 887 xwepêşander hatine binçavkirin û 7 hezar û 403 xwepêşander jî birîndar bûne.
Rejîma Îranê zextan zêde dike
Hate gotin ku di nava kesên hatin kuştin de, 5 hezar û 149 jê xwepêşanderin. Di nava wan de jî 60 zarokên temenê wan dibin 18 saliyê de hene. Ajansê ragihand ku xwepêşandanên şermezarkirinê kêm nebûne, rejîmê jî li hemberî vê yekê înternetê dibire, welatiyan digire û polîtîkayên zextê giran dike. Li gorî heman raporê ji bo îfadeyê banga 11 hezar û 23 kesan hat kirin.
Xwepêşandan berfira dibe
Xwepêşandan ji 28’ê Kanûna 2025an ve li seranserî Îran û Rojhilatê Kurdistanê li dijî qeyrana aborî, pirsgirêkên siyasî û civakî xwepêşandan destpêkirine. Tevî ku rejîma Îranê bi tûndtirîn şêwaz rûbirûyê xwepêşandanan dibe, lê her ku diçe xwepêşandan berfirehtir dibin.
