Hevseroka Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed têkildarî êrişên li ser Rojavayê li ser hesabê xwe yê Xê daxuyanî da û diyar kir ku dê dîsa wekî berxwedana Kobanê heman berxwedanê bikin û bang hêzen navneteweyî kir û got: “Divê ev êrîş bên rawestandin”
Êrişên çeteyên HTŞ û SMOyê li ser Rojavayê bênavber didomin. HSDê bersivekê tund didin êrişan. – Hevseroka Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed li ser hesabê xwe ya Xê daxuyanî da.
Daxuyaniya Îlham Ehmed wiha ye:
“Gelê me yê hêja, dostên me yên birûmet, ji 6’ê mehê ve êrişeke dijwar ji aliyê Gelên girêdayî artêşa Sûriyê ve li ser gelê me pêk tê, armanca van êrîşan qirkirina kurdan e. Bi vê dixwazin jiyana hevbeş a gelan ji holê rakin. Ji bo ku em careke din rê li pêşiya şeran venekin me hewl da bi diyaloga pirsgirêkan çareser bikin û bi vê armancê me lihevkirinek îmze kir, xala yekem ew bû ku agirbesteke giştî dê çêbibe û lihevkirin bikeve meriyetê, me ji bo vê hinek dem xwest Hikûmeta Şamê panbendî agirbestê. Em bang li hemû gelê xwe dikin ku ji xwe bawer bibin û helwesta xwe ya neteweyî diyar bikin. Bi taybet ji gelê xwe yê Kobanê ku bi berxwedaneke mezin li hember hêza herî xeternak di dinyayê de, 2014 meşand û têk bir wê dîsa heman berxwedanê dê bike.
