Wezîrê Karên Derve yê Fransayê Jean Noel Barrot da zanîn ku ku ji bo êrişên li Helebê bên rawestandin Fransa di asta herî jor de xebitî.
Parlamenterê Koma Fransaya Stû Natewîne (LFI) Arnaut Saint-Martin di parlamentoya Fransayê de rasterast pirsa êrişên li Helebê ji Wezîrê Karên Derve yê Fransayê Jean Noel Barrot kir. Parlamenter Arnaut Saint-Martin bal kişand ser êrişên ku di 6ê Çileya 2026an de dest pê kirin û got: “Hedefa van êrişan ew e ku Kurdan ji taxên Helebê bikin der û pergala demokratîk a xwecihî ji holê rakin.”
‘Hevkariya Şam û Tirkiyeyê gef li heremê dixwe’
Arnaut Saint-Martin destnîşan kir ku li herêmê sûcên giran pêk tên û rêveberiya li Şamê bi pişgiriya leşkerî ya Tirkiyeyê gef li ewlehiya heremê dixwe. Arnaut Saint-Martin bi lêv kir ku ev têkçûna civaka navneteweyî ye û nabe ku nêzîkatiya ji nedîtîve bê nişandan.
‘Divê Fransa grantoriyê bike’
Parlamenter Araut Saint-Martin diyar kir ku ji bo parastina Kurdan pêwîstî bi hêzeke lezgîn heye. Araut Sain-Martin ji Fransayê bi lêv kir ku ji bo agirbesteke demildest pêk bê û muzakere dest pê bikin dê serî li Neteweyên Yekbûyî (NY) bide da ku Konseya Ewlehiyê bicive. Arnaut Saint-Martin xwest ku xebat bê kirin ku taxên di bin dorpêçê de ne ji çavdêrên navneteweyî û rojnamegeran re bê vekirin û ji bo lihevkirineke mayîn de û çareseriyeke siyasî Fransa bibe garantor.
Li gel Amerikayê navbeynkarî kirin
Wezîrê Karên Derve yê Fransayê Jean Noel Barrot bersiv da pirsên Araut Sain-Martin. Jean Noel Barrot da zanîn ku zêdetirî sed mirov hatin kuştin û hejmareke zêde jî birindar çêbûn. Jean Noel Barrot diyar kir ku ji bo şerê di navbera Şamê û Hêzên Suriya Demokratîk de raweste Fransa li gel Amerîkayê navbeynkariyê kir ji bo encama derket holê bi helwesteke aktîf kar kir.
Makron rast e rast beşdarî xebatên navbeynkariyê bû
Jean Noel Barrot destnîşan kir ku Serokomarê Fransayê Emanuel Macron ji bo şer raweste peyam şand û rast e rast mudaxilî pêkanîna aştiyê bû. Wezîr Jean Noel Barrot bal kişand ser têkçûna rejîma Beşar Esad û got: “Fransa piştî vê têkçûnê bi xebata xwe teşe daye rewşa li Sûriyeyê.”
‘Kurd mutefîkê me ne’
Jean Noel Barrot anî ziman ku îstîkrara Sûriyeyê bi entegrasyona Kurdan ve girêdayî ye û wiha domand: “Kurdan li dijî DAIŞa ku gelek caran xwîna fransiyan rêtiye şer kirin û têk birin. Ji ber vê yekê Kurd mutefîkê me ne.”
‘Me xwest mafê hêzên Kurd ên leşkerî bên qebûlkirin’
Jean Noel Barrot destnîşan kir ku ji bo Wezîrê Karên Derve yê Sûriyeyê tawîzan bide li Parîsê hat qebûlkirin û got: “Li vir tişta dihat xwestin ew bû ku hin mafên hêzên leşkerî yên Kurd bên qebûlkirin, entegrasyona bi hêzen Şamê re pêk bê.” Noel Barrot diyar kir ku wan di van xebatan de piştgirî dane Kurdan û ji bo çareseriyê zext li aliyan kirine.
