Nûnerê Sûriyeyê yê Amerîkayê Tom Barrack li Şamê bi şandeya hikûmeta demkî ya Sûriyeyê re derbarê êrişên li ser Şêxmeqsûd û Eşrefiyê civiya. Derbarê civînê de Tom Barrack li ser hesabê xwe yê Xê daxuyaniyek belav kir û da zanîn ku wê Ehmed Şara li gorî hevpeymana 10ê Adarê tevbigere.
Berspirsê Sûriyeyê yê Amerîkayê Tom Barrack, li Şamê bi şandeya hikûmeta demkî ya Sûriyeyê re derbarê êrişên li ser Şêxmeqsûd û Eşrefiyeyê civiya. Tom Barrack derbarê civînê de li ser hesabê Xê parvekirinek kir û bang li hemû aliyan kir ku ji bo Sûriyeyeke yekgirtî alikariya wan bikin.
Daxuyaniya Tom Barrack a li ser Xê wiha ye:
“L ser navê serok Donald J.Trump û Wezîrê Karên Derve yê Amerîkayê Marco Rubio, bi serokê Sûriyeyê Ehmed Şara, Wezîrên Karên Derve yê Sûriyeyê El-Şeybanî û şandeya wî re li Şamê li ser geşedanên herî dawî yên Helebê û li ser çareserkirina pirsa di dewra derbasbûyîna dîrokî ya Sûriyeyê de divê rêyeke çawa bê şopandin li hev civiyan.
Serok Trump, ji min re diyar ku vê kêliyê ji bo Sûriyeyeke nû, yanî ji bo Ereb, Kurd, Durzî, Xirîstiyan, Elewî, Tirkmen, Asûrî û civakên din rastî miameleyeke rêzdar bên û saziyên rêveberî û parastinê di nav neteweyeke yekgirtî de bikaribin cîh bigrin wekî fersendekê dibînin. Her wiha Serok Trump, ji bo rê li ber sûd wergirtina ji vê fersendê negire û şensê pêşveçûnê bide Sûriyeyê hemû danekirinê li ser Sûriyeyê rakir.
‘Ji bo li Sûriyeyê aramî pêk were piştgiriya Şara dikin’
DYA, ji bo Sûriye bighêje îstîqrarê, saziyên xwe yên neteweyî ava bike û ji bo hemû Sûriyeyiyan aştî, parastin û hêviya wan a aramiyê pêk were piştgiriyê dide Serokatiya Şara lewma pêvajoya derbasbûyîna dîrokî ya Sûriyeyê bi memnûniyet pêşwazî dike.
‘DYA li hemberî terorîzmê bi HSDê re di nav hevkariyê de ye’
DYA, ji bo têkbirina DAIŞê û li Sûriyeyê îstiqrarê pêk bîne demeke dirêj e aligiriya hewldanên di vî warî de dike. Di nav van hewldanan de Operasyona Biryardariya Navxweyî û ji bo parastina destkeftiyên li hemberî terorîzmê bi Hêzên Sûriyeya Demokratîk (HSD) re di nav hevkariyê de ye.
Di vê çarçoveyê de hikûmeta Sûriyeyê, wê gelê Kurd biparêze û ji bo yekîtî û desthilatdariya Sûriyeyê bi hêztir bike wê bi HSDê entegreyî saziyên xwe yên neteweyî bike. Ji ber vê hikûmeta Sûriyeyê careke din jî teyît kir ku wê li gorî hevpeymaniya 10ê Adarêa 2025an tevbigere.
Li Helebê geşedanên ku vê hevpeymaniyê pirsyar dikin ji bo cihê me metirsiyê ne.
Em bang li hemû aliyan dikin ku di asta herî bilind de bi îtîdal tevbigerin, demildest dev ji dijminatiyê berdin û li gorî hevpeymaniyên 10 Adarê û 1ê Nîsanê tevbigerin.
Tundî, wê careke din bike ku deskeftiyên ku piştî rûxandina rejîma Esed ji dest biçin û ev jî wê bike ku midaxeleyên ku dê bi kêrî ti aliyan neyên pêk werin.
Şandeya Wezîrê Karên Derve yê Amerîkayê Rubio, amede ye diyaloga ku di navbera hikûmeta Sûriyeyê û HSDê hêsantir bike. Rubio, amade ye ku pêvajoya ku rêzê li yekitiya Sûriyeyê digire, rêgezên tekane desthilatdariyê di destê dewletê de dibîne û artêşa neteweyî ya yekgirtî wekî tekane rê dibîne, bidomîne.
Armanc, avakirina Sûriyeyeke ku di nava xwe de û li hemberî cîranên xwe aştiyane tevdigere ye.
Banga me li cîranên Sûriyeyê û civaka navneteweyî, ji bo alîgiriya ve vîzyona me bi me re hevkar bin û alikariya me bikin.”
