Li bajarê Mîsanê ya Iraqê yek ji fermandarên hêzên Seraye Selam a girêdayî Tevgera Neteweyî ya Şîe, Huseyîn El Elaq di êrişa çekdarî de hate kuştin
Li bajarê Mîsan a Iraqê, yek ji fermandarên hêzên Seraye Selam a girêdayî Tevgera Neteweyî ya Şîe, Huseyîn El Elaq di êrişa çekdarî de hate kuştin. Piştî sûîqestê, li bajêr di navbera komên Şîe de şer qewimî. Muqteda Sedir li ser bûyerê ragihand ku bêxemiya milîsên bêrûmet gihîştiye wê astê ku xwîna Iraqiyan bêyî tu tolhildan û rêzgirtina ji bo pîroziyê, bi taybetî li bajarê Mîsanê, dirijînin.
Hate ragihandin ku li Mîsanê yek ji fermandarên hêzên Seraye Selam a girêdayî Tevgera Neteweyî ya Şîe a dibin serokatiya Muqteda Sedir de, Huseyîn El Elaq di êrişek çekdarî de hate kuştin.
Li gorî çavkaniyên herêmî piştî êrişê, hêzên Seraye Selam êrişî nuqteyên Asaib Ehilî Heq kirin. Hat ragihandin ku li Mîsanê baregeha Asaib Ehilî Heq a di bin lîdertiya Qeys Xezelî de bi çekên giran hatiye hedefgirtin. Hat diyarkirin ku şer di nava demek kurt de belavî herêmên cuda yên bajêr bûye.
Qedexeya derketina derve
Piştî ku tundî zêde bû, hêzên ewlehiyê yên Iraqê li seranserî Mîsanê qedexeya derketina derve ragihand. Li gelek nuqteyên wîlayetê wesayîtên zirxî û yekîneyên taybet hatin sewqkirin, tedbîrên ewlehiyê di asta herî jor de hatin girtin.
Li gorî daxuyaniya Seraye Selam, hate piştrastkirin ku fermandar Huseyîn El Elaq hatiye kuştin. Hîna rayedarên fermî têkildarî faîlên bûyerê, ti daxuyanî nedan. Tê ragihandin ku li herêmê tengasî didome.
Sedir: Divê yasa rêya xwe ya rastî bigire
Serokê Tevgera Neteweyî ya Şîe Muqteda Sedir têkildarî kuştina yek ji fermandarên tevgera xwe, peyamek ji xelkê bajarê Mîsanê re belav kir.
Muqteda Sedir ragihand ku bêxemiya milîsên bêrûmet gihîştiye wê astê ku xwîna Iraqiyan bêyî tu tolhildan û rêzgirtina ji bo pîroziyê, bi taybetî li bajarê Mîsanê, dirijînin.
Her wiha Muqteda Sedir diyar kir ku pêwîste yasa rêya xwe ya rastîn bigire da ku sûcdarên kuştina Huseyîn El Elaq eşkere bike û xwînrijandinê rawestîne.
Sedir daxwaz ji alîgirên xwe kir ku nekevin nav komployên ku gendelkar hewl didin pêk bînin û got: “Her pêşveçûn an kiryarek ji bilî kiryareke qanûnî qedexe ye. Divê em heman kiryar û kiryarên wan ên kirêt nekin.”
