Di serî de li Amedê û li tevahiya bajarên Bakurê Kurdistanê berf lê dike û berfê jiyana mirovan tevizand. Rêya bi hezaran gund û mezreyan hatine girtin.
Li bajarê Amedê carek din berfê lê kir. Berdestî sibehê berfê dest pê kir û bênavber dibare. Berf bandorek neyînî li ser jiyana xelkê dike û welatî di çûnehatê de zehmetiyan dikişînin. Ji ber berfa çend roj berê bariyabû rê û cadeyan qeşa girtibû û ev berfa îro jî li serê bariya. Ev yek dibe sedema şemitînê û gelek qeza çêdibin, ev yek jî rê li ber xesarên madî vedike.
Her wiha li aliyê din jî welatî li ser berfê dişemitin û ev jî dibe sedema ku mil an jî ling û ranên welatiyan bişikîn.
Ji ber ku berf zêde dibare her çiqas Şaredariya Bajarê Mezin a Amedê ser peyarêyan û cadeyan paqij dike jî lê dîsa jî xebatên wan têr nake.
Bakurê Kurdistanê di bin berfê de ma
Di serî de li Amedê û navçeyên wê û li bajarên wek Sêrt, Batman, Mêrdîn, Riha, Dêrsim, Çewlig, bajarên herêma Serhedê, Semsûr, Meletî û li navçeyan berfek zêde dibare û bandorek neyînî li ser jiyanê dike. Li Bakurê Kurdistanê ji ber berfê rêya bi hezaran gund hatine girtin û berf jiyanê tevizandiye.
