Wêneyê Trump ê di nav dosyayên bazirganê fihûşa zarokan Epsteîn ên roja înê hatibûn weşandin de, bêyî agahiyek bê dayîn ji malpera Wezareta Dadê ya Amerîkayê hate rakirin. Parlementerên Partiya Demokrat bi gotina, “Hûn bi rakirina vê wêneyê çi vedişêrin” bertek nîşan dan.
Nîqaşên li ser navdarên di dosyaya bazirganê fihûşa zarokan Jeffrey Epîsteîn berdewam dike. Demek berî niha Senatoya DYAyê bi armanca civakeke şefaf de biryar dabû ku hemû dosyayên derbarê Epsteîn de ji raya giştî re bên parvekirin. Li ser vê yekê heta niha beşek dosyayan li ser Malpera Wezareta Dadê ya DYAyê hatin parvekirin û wêneyên gelek kesên wekî navdar tên nasîn di dosyayan de derketin holê. Di dosyaya bi hejmara 468an ku roja înê hate weşandin de wêneyekî Serokê DYAyê Donald Trump jî hebû.
Wêneyê Trump hate rakirin
Wêneyê Trump ê di dosyaya 468an derketî demek li ser malpera wezaretê ma lê xwînerên vê sibê ketin malperê dîtin ku wêneyê Trump ji nava dosyayê hatiye derxistin. Demokratên di Komîteya Çavdêriya Meclisê de bang li Serdozger Pam Bondî kirin ku piştrast bike ka wêneyekî Trump hatiye rakirin an na. Nûneran bi pirsa, “Çi tiştên din têne veşartin?” Serdogzer Pam Bondî û rêveberiya Trump rexne kir. Bi rakirina wêneyê têkiliya Trump a bi bazirganê fihûşa zarokan Epsteîn re cardin bû rojev. Berê jî gelek wêneyên Trump û nameyên ku têkiliya wî bi Epsteîn re nîşan dide derketibûn holê.
