Jinên Durzî yên di dema êrişên Tîrmehê de bi êrişên tecawîza komên girêdayî Hikûmeta Demkî ya Şamê re rû bi rû man, li Neteweyên Yekbûyî li wan hate guhdarîkirin.
Sûcên li dijî mirovahiyê yên hêz û komên girêdayî Hikûmeta Demkî ya Şamê di rojeva Neteweyên Yekbûyî (NY) de ye. Enstîtûya Perwerde û Lêkolînê ya NYyê (UNITAR) derbarê mexdûrên êrişên zayendî yên Sûwedayê de daneyên girîng kom kirin. Di kombûna bi armanca nirxandina sûcên li dijî mirovahiyên leşker û komên girêdayî Şamê pêk hatin de ewilî Pêşengê Olî yê Durziyan Şêx Muwafaq Tarîf axivî. Tarîf derbarê êrişên zayendî yên li dijî jinan û terorîzma hêzên Şamê berfireh vegotin.
Jinan êriş vegotin
Piştî axaftina Tarîf, vegotinên jinan ên ji hêla UNITARê ve hatine tomarkirin, li jinan hete guhdarîkirin. Jinên ku ji ber ewlehiyê rûyê wan bi rêya hişê çêkirî hatiye guherandin, êrişên zayendî vegotin. Ji mexdûrên bûyerê yek jê zarokek 14 salî li 5 jinan hate guhdarîkirin. Jinan pêvaşoya êrişên kom û leşkerên Şamê û destdirêjiyên wan ên li ser xwe anîn ziman. Jinan di dema vegotina êrişên tecawizê de bi zor û zehmetiyan re man û dijwariya bûyerê xwe li ser wan da nîşandan.
