Piştî hevdîtina Trump-Erdogan û peymanên têkildarî sotemeniyê Tirkiyeyê kirîna petrolê ya ji Ûrisan ji sê pişkan yek daxist. Li gorî daneyan di Cotmehê de ji asta rojane kirîna 300 hezar bermîlan di meha Mijdarê de daket 200 hezar bermîlê.
Polîtîkaya dengeyê ku Tirkiyeyê li ser hevsengiya Federasyona Rûsyayê û DYAyê avakirî de hindî diçe zêdertir ber bi dawiyê ve diçe. Tirkiye ev demek e di çarçoveya nêzîkbûna DYAyê de têkiliyên xwe yên aborî û siyasî bi Ûrisan re sist dike. Di hevdîtina Trump-Erdogan a di meha Îlon pêk hatî de gelek peymanên sotemeniyê di navbera herdu dewletan de hatin kirin. Encama van peymanên Rusya bi zêdehî aciz kir, hêdî hêdî şênbertir dibin. Ji van encaman yek jî kirîna gaz û neftê ji Rûsyayê ye. Li gorî daneyan şirketên şopandina bazirganiya sotemeniyê Kpler û LSEGê di cotmehê de ji asta rojane kirîna 300 hezar bermîlan di meha mijdarê de daket 200 hezar bermîlî. Li şûna sotemeniya Rûsyayê Tirkiye niha sotemeniyê ji DYAyê digire. Lê ji ber ku sotemeniya DYAyê li gorî ya Rûsyayê gelek dûr û bihaye, desthilata Erdogan hewl dide ji Kazakistan û Iraqê jî vê kêmasiyê temam bike.
Bandora siyasî jî dê çê bibe
Tirkiyeyê di salên bihûrî de di serî de bi kirîna S-400, çêkirina Santrala Nûkleer a Akkuyuyê têkiliyên aborî û siyasî bi Rûsyayê re derxistin asta herî jor. Ev têkilî li dijî polîtîkayên DYAyê û taybetî têkiliyên wî welatî yên bi Kurdan re wekî çekekê bikar anî.
Lê ev demek e li ser zext û daxwazên DYAyê têkiliyên xwe yên aborî bi Rûsyayê re kêm dike û cardin hewl dide berê xwe bide DYAyê. Li gorî pisporan ev di siyaseta Tirkiyeyê ne nîşaneyên guherînê dide û Rûsya ji vê rewşê gelek aciz e. Her wiha çav li rê ye di pêreşorjê de encamên xerabbûna têkiliyên aborî bandora xwe ya neyînî li ser têkiliyên siyasî jî bike.
