Meşa TJAyê di roja çaremîn de berdewam dike. Meşvan gihiştin Edenê û bi girseyî hatin pêşwazkirin. Hevşaredarê bajarê mezin a Mêrdînê Devrîm Demîr diyar kir ku Rêberê Gelê Kurd hêviya gel mezin kir û got: “Ew ji bo pêşerojek azad dimeşin.”
Meşa ku Tevgera Jinên Azad (TJA) bi dirûşma “Em bi hêviyê ber bi azadiyê ve dimeşin” di 1ê Cotmehê de ji Amedê ber bi Enqereyê ve da destpêkirin di roja çaremîn de berdewam dike. Di roja çaremîn de jin li Dîlokê derketibûn û gihiştin Edeneyê. Jinên ku bi meşê ketin Edeneyê ji aliyê rêxistina DEM Partiyê ya Edeneyê, dayikên aştiyê û gelek kes ve bi kulîlkan û girseyî hatin pêşwazîkirin. Di pêşwazî kirinê de dirûşmên “Bijî Serok Apo” û “Jin Jiyan Azadî” hat berzkirin. Piştî pêşwazîkirinê girsê pêşiya Kebapçî Şakîr heta Xaçiya Karasûyê ya taxa Dagliogluyê ya navçeya Seyhanê meşiyan. Piştî girse gihişt qadê dest bi govendê kirin û qadê wêneyên rêberê gelê kurd Abdullah Ocalan hat vekirin.
‘Daxwaza me ya sereke jî azadiya fizikî ya birêz Abdullah Ocalan e’
Paşê Hevşaredara Bajarê Mezin a Mêrdînê Devrîm Demîr ya ku qeyûm şandine şûna wê axivî û diyar kir ku wa peyama Rêberê Gelê Kurd Abdullah Ocalan aniye şeniyên Edeneyê û wiha axivî: “Meşa me meşa paşerojeyek azad e. Her gavekî em ber bi azadiyê ve dimeşin. Rêberê Gelê Kurd 27ê sibatê bang kir. Jin ev 50 sal e gelek êş kişand. Hêviya ku dilê gel de mezin kiriye birêz Abdullah Ocalan e. Ji bo wê divê mafê hêviyê pêk were û birêz Abdullah Ocalan azad bibe. Ev salek derbas bû lê dewlet hêj jî tu gavên şenber neavêt. Ji bo ku gel îkna bibe divê gav bên avêtin. Pêvajo yekalî nameşe. Em bang li komîsyonê dikin û dibêjin divê demildest komîsyon birêz Abdullah Ocalan guhdar bike. Daxwaza me ya sereke jî azadiya fizikî ya birêz Abdullah Ocalan e.”
‘Em ji bo mafê hêviyê dimeşin’
Dûre Parlamentera Amedê Adalet Kaya axivî û diyar kir ku ew ji bo Rêberê Gelê Kurd dimeşin û wiha axivî: “Birêz Abdullah Ocalan dîsa rêya çareseriyê nîşanî me dike. Em jî TJA ji bo aştiyê dimeşîn. Mizakareyên demokratîk bi azadbûna Rêberê Gelê Kurd dê dest pê bike. Îro bi hezaran kes li girtîgehan rehin tên girtin. Em jî ji bo mafê hêviyê dimeşin.”
Bername di bi govenda dawî bû.
