Amed – Esnafên li Navçeya Rezan a Amedê bertek nîşanî tiryakkêş û firoşkarên tiryakê dan û wiha gotin: “Em dixwazin taxa me û bajarê me paqij be. Ew rewş zirarê dide gel û esnafan.”
Di encama polîtîkayên şerê taybet li Bakûrê Kurdîstanê bikaranîna tiryakê zêde bûye. Di encama van polîtîkayan gelek ciwan bi tiryakê dikevin, jehrî dibin û ji bo gel û esnafan dibin metirsî. Navçeya Rezan a Amedê yek ji van bajarên ku tiryak lê zêde tê bikaranîn e. Bikaranîna tiryakê hem ewlehiya kar ji holê radike hem jî dibe sedema pêkatin û rizîbûna ciwanan.
Esnafên Rêzanê derbarê rewşa tiryar û tiryakkêşiyê de ji ajansa me re axivîn.
‘Şev bi çekan re êrîşê kargehên me dikin.’
Firoşkarê Mobîlyayê Ekrem Boz bertek nîşanî tiryakkêş û firoşkarên tiryakê dan û ev tişt gotin: “Li taxa me gelek ciwan bi tiryakê ketine. Gelek pirsgirêk derdikevin. Dema dibe şev bi çekan êrişî kargehên me dikin. Em dixwazin taxa me û bajarê me paqij be. Ew rewş zirarê dide gel û esnafan.”
‘Dayik û bavên xwe jî diêşînin’
Firoşkarê mobîlyayê Ahmet Boz diyar kir ku tiryak bi xwe re pirsgirêkên cudatîr jî tîne û ev tişt gotin: “Ciwan ji ber vê rewşê dayik û bavê xwe jî diêşînin. Tiryak tiştekî qirêj e û em dixwazin asteng bikin. Em esnaf jî ji vê mijarê ditirsin. Bi çekan êrîşî kargehan dikin. Li taxa me gelek ciwan ketine nav xefka tiryakê. Gelek pirsgirêk çêdibin.”
Dikandara jin a nexwestiye navê xwe parve bike, bal kişand ser zêdebûna bûyerên girêdayî tiryakê û wiha got: “Ez naxwazim gelê me bi tiryakê bikeve. Em dixwazin ku zarokên me bikevin riya rast.“
‘Tiryakkêşî rewşeke pir giran e’
Ciwanê ku dest ji tiryakê berdaye, derbarê pêvajoya kişandina xwe ya tiryakê de axivî û wiha got: “Min jî dikêşa. Lê belê ev rewşeke pir giran e.“
