Enqere – Serokê Meclîse Numan Kurtulmuş di civîna Komîsyona Meclîse de diyar kir ku yên ku naxwazin aştî û xwişk-biratî pêk were hene û got: “Erka me hemû gel tev li tîfaqa xwişk-biratiyê kirin e.
Serokê Meclîse Numan Kurtulmuş di civîna Komîsyona, “Piştgiriya Netewî, Xwişk-Biratî û Demokrasiyê” ku di çerçoveya ‘pêvajoya’ çareseriya pirsgirêka Kurd li Meclîse hatiye avakirin de axivî. Numan Kurtulmuş beriya civîna bi nûnerên wakif û xizmên kesên di pêvçûnan de hatine kuştin were kirin axivî.
Numan Kurtulmuş anî ziman ku piştî xwe fesîhkirina rêxistinê pêvajo ketiyê merhaleyeke nû û derbarê mijarê de ev tişt gotin: “Em civîna xwe ya 4emîn pêk tînin. Em bi awayekî vekirî dibêjin ku Tirkiye ne di nava bazariyekê de ye. Erka ku ketiyê li ser milê me tavahîya gel tev li tîfaqa xwişk-biratiyê kirin e. Ji ber wê jî ji bilî partiyekê, bi tevlibûna hemû partiyên di parlamentoyê de me komîsyonek ava kir. Em ê li vir hemû pirsigirêkên hev biaxivin. Em ê hemû kesan guhdar bikin. Di destpêke de jî em ê malbatên şehîd û gaziyên xwe guhdar bikin. Ya ku em baldar bin jî ew ê ku çawa li Tirkiyeyê yên ku dixwazin aştî û biratî pêk were hebin yên ku naxwazin aştî û biratî pêk were jî hene. Em ê jî heza xwe mezin bikin û bi awayekî serkêftî berdewam bikin.”
Piştî axaftina Numan Kurtulmuş rûniştina yekem a civînê dest pê kir. Di civînê de Wezareta Malbat û Xizmetên Civakî Mahînur Ozdemîr jî axivî û bi lêv kir ku demokrasî nebe xwişk-biratî jî wê di xetereyê de be û ev tişt gotin: “Heta demokrasî nebe bingeh, xwişk-biratiyê jî nabe. Xwişk-biratî jî nebe demokrasî nabe. Tirkiyeya bêteror, avakirina Tirkiyeke bi hez e.”
Civîn wê bi guhdarkirina nûnerên waqif, komelê û xizmên kesên di pêvçûnan de hatine kuştin guhdar bike.
