Li navçeya Cizîrê ji aliyê Meclisa Jinan a DBPê ve atolyeya bîrdoziya jinê pêk hat.
Li taxa Nûrê ya navçeya Cizîr a Şirnexê bi tevlîbûna Berdevka Meclîsa Jinan a Partiyên Herêmên Demokratîk (DBP) Berîvan Bahçecî û Parlamentera DEM Partiyê ya Şirnexê Newroz Ûysal Aslan û gelek jinan atolyeya bîrdoziya rizgariya jinê hat lidarxistin.
Di atolyeyê de Berdevka Meclîsa Jinê ya DBPê Berîvan Bahçecî got ku di serdema civak jinan bi rê ve dibir ewqas kuştin nebûn û wiha axivî; “Beriya 12 hezar salan civak ji aliye jinan ve dihat rêvebirin û wê demê tundî, şer û kuştin di nava civakê de nebûn. Piştî ku desthilatî ket dest mêran de şer û qetlîmanên li ser civakê û jinan destpê kir.”
Bahçecî di berdewama axaftina xwe bal kişand ser rola jinê ya di berxwedana gelê Kurd de û axaftina xwe wiha domand; “Dema Tevgera Azadiyê dest bi têkoşîna gelê Kurd kirî, gele me nedihat qebûlkirin û tu mafê jinê tunebû. Îro bi berxwedana Tevgera Azadiyê, gelê Kurd û jinên Kurd em gehîştine astekî. Ji bo ev berxwedan bigihêje serî hewceyî pêtir bi têkoşîna jinan heye.”
Parlamentera DEM Partiyê ya Şirnexê Newroz Ûysal Aslan ji derbarê Pêvajoya Aştî û Civaka Demokratîk de agahî dan jinên tevlî atolyeyê bûne.
Piştî axaftina Ûysal atölye bi pirs û bersivan bi dawî bû.
