* Siyasetmedar Mulkiye Bîrtane destnîşan kir ku di meseleya Kurd û Kurdistanê de dema mafê Kurdan bû mijar divê hemû alî bîrdozî, berjewendiyên şexsî hemûyan bidin aliyekê û tenê maf û azadiya gelê Kurd derxin pêş, bicivin û kongreyê pêk bînin û got: “Heke ev firsend jî ji destê me biçe, sedsaleke din jî ji destê me diçe.”
* Mehmet Çelîk ê ku piştî 30 sal û 6 mehan ji zindanê derket hest, fikir, fikar û şaşwaziyên xwe parve kir û got: “Me jî digot em ê rojekî derkevin, vê hêviya xwe xurttir bikin, bi însanên xwe re, bi hevalên xwe re, li welatê xwe bigerin, bikenin. Tişta ku em li ser pêyan hişt hêviya pêşerojeke xweş bû.”
* Ji 13ê Tîrmehê ve li dijî Dûrziyên ku li Siwêydayê dijîn êrîşên dijwar hene. Ji 13ê Tirmehê heta niha li Siwêydayê bi giştî hezar û 517 mirov hatin kuştin. Ji wan 720 şêniyên Siwêydayê ne û gelek ji wan ji aliyê HTŞ û DAIŞê ve li pêş çavê cîhanê bi îşkenceya giran hatin kuştin.
* Parlamenterê DEM Partiyê Serhat Eren avakirina komîsyonê erênî dît û got: “Avakirina wê erênî ye, lê ne bi dilê me ye. Divê di serî de mafê hêviyê mîsoger bike û zemîna hiqûqî û siyasî li pêşiya girtiyên siyasî û gerîlayan veke. Divê qeyûman paşve bikişînin û hevşaerdar dîsa li karên xwe vegerin.”
* Li navçeya Cizîrê derket holê ku beriya hilbijartinên rêveberiyên xwecihî wesayîtek Şaredariya Cizîrê ji aliyê emniyetê ve hatiye dizîn.
* Endamê Platforma Ekolojiyê ya Şirnexê Ahmet Başak diyar kir ku îhaleyên birîna daristanan bi destê Walîtiya Şirnexê pêk tên û birîna daristanan jî cerdevan dikin.
* Li herêma Serhedê ya Bakurê Kurdistanê li gelek navçe û navendan projeyên lêgerina petrolê, sondajên avê, birîna daran û projeyên HES û GESan ekolojiya herêmê dixe rewşeke metirsîdar.
* Rêxistina DBPê ya Şirnexê dê bi beşdariya Hevserokê xwe yê Giştî Keskîn Bayindir 2yemîn kongreya xwe ya asayî li otelek bajêr li dar bixe. (11.00)
Kirmanckî
* Hunermendê ke zonê kirmanckî ser zîbenê û nêwazenê no zono nazik vîndî bibo zaf nîyê. Hercîyê ke est ê ey zî xoverdanê, xo verba zonanê hakiman, populeran nêgênê. Mavîş Guneşere zî nê hunermendan ra juya. Ma rewşa ziwanê kirmanckî aye ra persa.
