Di danişîna zarokê 18 mehî Mehmet Ûytûn ê ku bi gaza îsotê hatibû qetilkirin û der barê leşkeran doz hatibû vekirin de dadgehê careke din daxwaza girtina bêrsûc red kir.
Li navçeya Cizîra Şirnexê di sala 2009an de dema leşkeran êrîşî çalakiyekê kiribûn gaza îsotê avêtibûn û zarokê 18 mehî Mehmet Ûytûn bi fîşeka gaza îsotê jiyana xwe ji dest dabû. Der barê bersûc Hakan Alkan de doz hatibû vekirin. Dadgehê bi sûcdariya “bi qezayê bûye sedema kuştinê” 3 sal 4 meh cezayê hefsê jê xwestibû û ceza hate xerakirin. Di danişîna berê de dadgehê biryara keşifkirina cihê bûyerê dabû.
Danişîna 4emîn a piştî xirakirina dozê îro li Dadgeha 1emîn a Cezayê Asliyeya Cizîrê hat dîtin. Parêzerê malbata Mehmet Ûytûn Yakup Guven li ser SEGBÎSê tevlî danişînê bû. Piştî testpîtkirina nasnameyê danişîn destpê kir.
Di danişînê de ewilî parêzer Yakup Guven axivî. Yakup Guven anî ziman ku ji bo doyayê ya herî girîng keşifa li cihê buyerê ye û xwest bêrsûc bê girtin.
Piştre dozger mutala da û xwest kêmasiyên di dosyayê de bên temamkirin.
Heyeta Dadgehê biryar da ku ji TSK û Fermandariya Giştî ya Cendermeyan bê pirsîn ku ew bomba di envanterên wan de heye an na û daxwaza girtina bêrsûc red kir. Dadgehê danişîn taloqî 21ê cotmehê kir.
