Komeleya Lêkolîn û Çavdêriya Koçberiyê ya Mezopotamyayê ji bo 15-22yê Hezîranê hefteya koçberiyê plansaziya rêzeçalakiyan eşkere kir.
Komeleya Lêkolîn û Çavdêriya Koçberiyê ya Mezopotamyayê ji bo hefteye koçberiyê ya di navbera 15 û 22yê Hezîranê de li Amedê çalikeyên cur bi cur li dar bixe, plansaziya xwe eşkere kir. Komleyê li avahiya xwe ya ya li navçeya Yenîşehîra Amedê daxuyanî da. Komeleyê diyar kir ku sibê dê li gelek cihên cuda pankartan daliqînê. Metna daxuyaniyê ji aliyê Hevseroka Komeleyê Medya Alkan ve hat xwendin.
Plansaziya Komeleyê bi vî rengî ye:
“14ê Hezîranê daliqandina pankart, 15ê Hezîranê panel, 17ê Hezîranê li Enqerê li Meclisê hevdîtina bi partiyan siyasî re, di 19ê Hezîranê li gundekî hatiye valakirin de daxuyanî û di 20ê Hezîranê de jî dê li ber Mînereya Çar Ling daxuyanî bê dayîn û çalakî bi dawî bibin.”
‘Divê her kes vegere gundên xwe’
Di dawiyê de rêveberê Komeleyê Hesen Erzî axivî û diyar kir ku daxwaza wan ew e ku her derên ku Kurd koçber bûne vegerin li ser warê xwe û wiha got: “Dar li ser koka xwe şîn dibe. Mirov bi ax û ava xwe şîn dibe. Divê em li gorî jiyana xwe li ser axa xwe û li gundên xwe bijîn. Ez jî koçberî Stenbolê bûm. Heta ku kesekî nedimir, em venedigeriyan gund û warê xwe. Lê em dibêjin beriya bi sed hezaran kesên li koçberiyê bimirin û tiştek were serê wan, em dixwazin bi saxî vegerin gundên xwe.”
