* Nivîskar Îlhan Dayan ê ku piştî 32 salan ji girtîgehê derket cara ewilî beşdarî Rojên Pirtûkên Kurdî ya Amedê bû û got ku divê hemû astengiyên li pêşiya zimanê Kurdî bên rakirin û qanûn bên guhertin û banga xwedîderketina li ziman kir.
* Lavîn Ozdemîr yek jî dengbêjeke jin a ciwan e. Lavîn Ozdemîr destnîşan kir ku ji ber dengbêjiyê gelek caran rastî astengiya malbatê hatiyê lê tevî astengiyan jî di dengbêjiyê de israr kiriye. Lavînê bi gotina “Ji ber ku dengbêjî çanda me ye û divê em biparêzin” balê dikişîne ser girîngiya dengbêjiyê.
* Aktîvîsta TJAyê Çîmen Fîdan ku tev li Konferansa Parlamenterên Jin ên Kurd bû, têkildarî naveroka konferansê axivî û destnîşan kir ku jin dê pêşengtiya avakirina aştiyê û civakeke demokratîk bikin.
* Hevseroka Meclisa Gel a Taxa Şêx Meqsûd û Eşrefiyeyê Hêvîn Silêman li ser rewşa Helebê anî zinan ku niha vîneke xurt a gelan li taxê heye û civak jiyaneke hevpar dijî. Hêvîn Silêman da zanîn ku Tirkiye xizmeta ji bo taxan asteng dike.
* Xizmên Windayan û Şaxa ÎHDê ya Amedê dê di hefteya 851emîn de bi beşdariya Hevseroka Giştî ya DEM Partiyê Tulay Hatimogullari çalakiya ji bo aqûbeta windayan li dar bixin. (12.00)
* Şaxa Komeleya Hiqûqnasên Ji bo Azadiyê (OHD) a Amedê dê li ser mijara “Bangewaziya Civaka Demokratîk û Mafê Hêviyê” li Çand Amedê panelek li dar bixe. (12.00)
* Tevgera Jinên Azad (TJA) dê bi şîara “Ji bo Aştiyeke Civakî û Çareseriyeke Demokratîk Jin Dimeşin” bi tevlibûna Hevseroka Giştî ya DEM Partiyê Tulay Hatimogullari, ji Parka Şemse Alak heta Deriyê Mêrdînê bimeşin. (16.00)
