Li Behra Marmarayê bi hêza 4.6 pileyî careke din erd hejiya. Seranserî şevê erdhejên biçûk jî çêbûn.
Ji duh ve li Stenbolê û derdora wê erdhej pêk tên. Vê sibehê li Behra Marmarayê bi hêza 4.1 erd hejiya. Di daxuyaniya AFADê de hate ragihandin ku erdhej saet di 07:10’an de li peravên Buyukçekmeceyê rû daye. Kûrahiya erdhejê jî 7 kîlometre bûye.
Li gorî Rasathaneya Kandîllî jî mezinahiya erdhejê 4.6 pile û kûrahiya wê jî 16.9 kîlometre bûye.
Li aliyê din li gelek navçeyên Stenbolê xelkê ji ber rewşa metirsiya erdhejê şeva xwe li derve û di wesayîtên xwe derbas kirin. Bi taybetî li navçeya Esenyûrt û Avcilarê ku wek cihên bi rîsk tên zanîn xelk bi şevê jî li derve bûye.
