Navenda Nûçeyan – Li Stenbolê 84 kes ji ber êrîşên çeteyên HTŞ û OSO ku li ser Bakur û Rojhilatê Sûriyeyê û Helebê pêk tînin, şermezar kirin; hatibûn binçavkirin. Ji wan 7 kes hatin girtin.
Komên çeteyên HTŞ û OSOyê yên bermahiyên DAIŞê ne, di 27ê Mijdarê dest bi êrîşan li ser Bakur û Rojhilatê Sûriyeyê kirin. Şevê din Hêzên Kedê, Aştî û Demokrasiyê yên Stenbolê ji bo şermezarkirina êrîşên çeteyan bi dirûşmeya “Êrîşên çeteyan ên li Sûriyeyê berdewam dikin rawestînin” li meydana Şîşhane ya Beyogluyê daxuyanî dan. Polîsan êrîşî girseyê kirin û 84 kes binçav kirin. Kesên hatin binçavkirin bi îdiaya “propagandaya rêxistinê kirin” û “li hemberî polîsan li ber xwe dan” sûcdarkirin.
Ji 84 binçavkiriyan, 77 jê li midûriyeta polîsan hatin berdan û 7 kes jî sewqî dozgeriyê hatin kirin. 7 kesên ku li dozgeriyê îfade dan, bi daxwaza girtinê sewqî Dadgeriya Cezaya Sulhê hatin kirin. Dadgeriyê bi îdiaya “propagandaya rêxistinê kirine” û “li hemberî polêsan li ber xwe dane” biryara girtinê da.
