* Serokê Rûmetê yê ÎHDê Akin Bîrdal peyama Rêberê PKKê Abdullah Ocalan wekî peyameke dîrokî panese kir û got: “27ê Sibatê mîlad e. Ev bang hem hêviyê dide me û hem jî me kelecanî dike.”
* DSÎ li ser çemê Nerdûşê dest bi çêkirina bendaveke nû dike. Bi çêkirina bendavê re gundê Şax û Hebler ku gelek cihên dîrokî li wir hene, dê di bin avê de bimînin. Şêniyan bertekên xwe anîn ziman û destnîşan kirin ku ew bendavê li gundê xwe naxwazin.
* Jinên ku li Amedê bi minasebeta 8ê Adarê Roja Jinan a Cîhanê daketin kolanan, peyama Rêberê PKKê Abdullah Ocalan nirxandin û gotin: “Divê em her dem ji bo aştiyê li qadan bin. Em ê li qadan banga ‘Jin Jiyan Azadî’ bilind bikin. Azadî nêzîk e.”
* Endamên Meclisa Dayikên Aştiyê têkildarî banga Rêberê PKKê Abdullah Ocalan axivîn û diyar kirin ku mifteya azadiyê di destê Abdullah Ocalan de ye. Dayikan xwestin ku çek ji bo wan bibin gul û gotin: “Em naxwazin li vî welatî şer hebe û em dixwazin her kes azad bijî.”
* Serokê MED TUHAD-FEDê Kerem Canpolat bal kişand ser peyama Rêberê PKKê Abdullah Ocalan û destnîşan kir ku peyameke dîrokî ye pêwîst e dewlet jî li gorî vê peyamê tevbigerê.
* Dê danişîna 2emîn a parêzvanê Waliyê Şirnexê Oguzhan Yucesoy ku dest dirêjî zarokeke 15 salî kiribû li Dadgehê 3emîn a Cezayê Giran a Edliyeya Şirnexê bê dîtin. (09.00)
* Berdevka Meclisa Jinan a DEM Partiyê Halîde Turkoglu, dê têkildarî geşedanên dawî li Navenda DEM Partiyê daxuyaniyê bide çapemeniyê. (11.00)
* Meclîsa Dayikên Aştiyê ya Şirnexê dê tekildarî banga dîrokî ya Rêberê PKK Abdullah Ocalan li navçeya Cizîrê daxuyanî bidin. (12.00)
* Komeleya Lêkolîn û Şopandina Koçberiyê ya Mezopotamyayê têkildarî pêvajoyê li avahiya xwe ya Yenîşehîra Amedê daxuyaniyê bide çapemeniyê. (12.00)
* Bi minasebeta 8ê Adarê Roja Jinan a Cîhanê, dê li gelek navendan çalakiyên 8ê Adarê bêne lidarxistin.
