* Dayikên Aştiyê ku ji 24 bajarên Bakurê Kurdistanê û Tirkiyeyê bi daxwaza azadiya fizîkî ya Rêberê Gelê Kurd Abdullah Ocalan û avêtina gavên şênber ji bo pêvajoyê li Enqereyê nobetê digirin diyar kirin ku ew tevî êşên kişandine jî aştiyê dixwazin û ji desthilatê xwestin gavên şênber biavêje.
* Welatiyên Kurd ên li Stenbolê dijîn derbarê pêvajoyê de diyar kirin ku Rêberê Gelê Kurd Abdullah Ocalan ji bo gel her tiştî dike û eger tevahiya Kurdan rabin ser pêyan dê dewlet jî neçar bimîne gav biavêje.
* Koma Hevra di 4ê Nîsana sala 2019an de bi armanca pêşxistina muzîka Kurdî û têkoşîna li dijî asîmîlasyonê hatiye damezrandin. Hevra dê di 27ê Mijdarê de albuma xwe ya yekemîn bi navê “Şehîdên Jiyanê” biweşîne. Endamê Hevrayê Baran Sumbul diyar kir ku wan bi albûma nû armanca kiriye ku cangoriyên wan tu carî neyên jibîrkirin.
* Îhsan Akgun û Ferhad Akgun ên ku mam û birazî ne, tev li Tevgera Azadiyê dibin û Îhsan di sala 1997an de, Ferhat jî di sala 2019an de jiyana xwe ji dest didin. Ferhad ji mamê xwe Îhsan bandor dibe û tev li têkoşîna azadiyê dibe.
* Malbata Akbûlût a li gundê Nêrqoxê ya bi ser navçeya Payîzavayê ve dijî anîn ziman ku ew ji ber lêçûnên zêde yên xwedîkirina sewalan êdî nikarin biçin zozanan û malbatê got ku ku ji aliyê lêçûnan ve ferqa gund û bajaran nemaye.
* Dayikên Aştiyê yên li Enqereyê ji bo lezkirina pêvajoyê çalakî û nobet li dar xist dê li Meclisê serdana partiyên siyasî bike. (10:00)
