* Dayikên Aştiyê bi mebesta azadiya fîzîkî ya Rêberê Gelê Kurd Abdullah Ocalan were pêkanîn û girtiyên siyasî werin berdan û di pêvajoya Aştî û Civaka Demokratîk de ji bo aştiyê gavên şênber werin avêtin ji Îzmîrê ber bi Enqereyê ve bi rê ketin. Dayikên bi rê ketine anîn ziman ku ew ne tenê ji bo Kurdan, ji bo Tirkan û hemû gelên li Tirkiyeyê aşitiyeke bi rûmet dixwazin û bang li hemû dayikan kirin ku dest bidin destê aştiyê.
* Şehîdê Têkoşîna Azadiyê Haşîm Ozturk (Artêş) di zaroktiya xwe de gelek caran gotina “Ez ê biçim Kurdistanê azad bikim û tola Şêx Seîd û Seîd Riza hilînim” aniye ziman. Artêş bi vê armancê di sala 1994an de li Stenbolê bi 15 hevalên xwe re berê xwe dide çiyayên Kurdistanê. Artêş li pey gotina xwe çiya bi çiya têkoşiya û di sala 1997an de li Soran-Hacî Umranê şehîd ket.
* Hunermend Delîl Dîlanar bal kişand ser girîngiya mîreteya dengbêjiyê, di vê mîrateyê de bandora Radyoya Êrîvanê û berpirsiyariya parastina çanda resen a Kurdî û got: “Armanca me ew e ku em çanda dengbêjiyê bi muzîkeke nûjen re bikin yek û bidin hezkirin.”
* Dayikên Aştiyê ku bi daxwaza azadiya fizîkî ya Rêberê Gelê Kurd Abdullah Ocalan ji gelek bajarên Bakurê Kurdistanê û Tirkiyeyê ber bi Enqereyê bi rê ketine, dê li parqa Meclise ya Enqereyê daxuyaniyê bidin û piştrê jî li parqa Kurtuluşê Konê Aştiyê vedin. (12:00)
Kirmanckî
* Mîyanê Dayîkanê Aştî de ke seba Reyberê Şarê Kurdî Abdullah Ocalanî ver bi Anqara kewtê rayîr, Afîfe Kartal pê linga xo ya besta ca girewt û aye wina vat: “Heta ke aştî nêra ez heta bimira no ca de dewam kena.”
* Dayîkê Aştî ke şaristananê Amed, Wan, Riha, Sêrt û Êlih ra seba Reyberê Şarê Kurdî Abdullah Ocalanî kewtê rayîtê Anqara vat: “Dayîkê Aştî wazenê Serokatî bivînê.”
