Şaredariya Bajarê Mezin a Amedê, ji bo bîranîna kesên ku di êrîşa 5ê Hezîrana 2015an de li Qada Îstasyonê jiyana xwe ji dest dabûn, cihê bîranînê ku îradeya aştiyê û bîra civakî sembolîze bike, ava dike. Şaredariyê ji bo ‘Projeya Fikir û Sêwirana Cihê Bîranînê û Qada Abîdeyê ya 5ê Hezîranê’ bang kir.
Serokatiya Daîreya Çand, Huner û Karên Civakî ya Şaredariya Bajarê Mezin a Amedê bi “Banga Vekirî ya Projeya Fikir û Sêwirana Cihê Bîranînê û Qada Abîdeyê ya 5ê Hezîranê” re armanc dike ku hafizeya hevpar a bajarî veguhêze mekanan. Di çarçoveya banga vekirî de, ji bo bîranîna kesên ku beriya hilbijartinên giştî yên 5ê Hezîrana 2015an di êrîşa li Qada Îstasyonê ya Amedê de jiyana xwe ji dest dabûn, zindî bihêle dê rêxistineke abîde û qadê ku hafizeya civakî û îradeya aştiyê sembolîze dike, bixe meriyetê. Dema serlêdana dawî ya projeyê ku fikrên sêwiranê yên xurt û afirîner jê tên rawestandin, wekî 25ê Îlona 2026an hat diyarkirin.
‘Bajar wekî mekanekî hafizeyê heyîna xwe nîşan dide’
Di nivîsa banga projeyê de hat zanîn ku bajar ne tenê ji qad, kolan û avahiyan pêk tên, hat teqezkirin ku bajar di heman demê de hilgirê ezmûn, şahidî û çîrokên ku ber bi jibîrkirinê ve çûyînê ne û hat diyarkirin ku bajar di navbera rabirdû û paşerojê de wekî mekanekî hafizeyê heyîna xwe nîşan dide û wiha hat gotin: “Qeydkirina ku bi projeya sêwiranê re mebest ew e ku êş û ezmûnên di bîra bajarî de cih girtine diyar bibin. Bi projeyê re tê armanckirin ku domdariya hafizeya takekesî û civakî bi rêya formeke mekanî û estetîk bê ziman. Projeya ku armanc dike di serî de 5ê Hezîranê û bûyerên di serdemên cuda de li bajarî qewimîne neyên jibîrkirin, dê tevkariyê li zindîhiştina bîra civakî bike. Di çarçoveya projeya ku dê rûbirûbûna bi rabirdûyê re veguhêze ezmûneke estetîk û mekanî de, sêwiranên abîde û qadan ên ku pratîkên bîranîn û bihalatînê dikişînin qada giştî tên rawestandin.”
Her wiha Şaredariya Bajarê Mezin ji bo ku fikrên sêwiranê yên xurt û afirîner ku hafizeya hevpar a bajarî sembolîze dike, bang li hunermendan jî kir.
Serlêdana dawî 25ê Îlonê ye
Serlêdanên di çarçoveya banga vekirî de, dê ji aliyê juriyeke serbixwe ya di qada xwe de bên nirxandin. Abîde-Peykera ku di encama nirxandinê de bê hilbijartin, tê plankirin ku li mekaneke diyarkirî yê bajar bê pêşandan. Serlêdanên ji bo “Projeya Fikir û Sêwirana Cihê Bîranînê û Qada Abîdeyê ya 5ê Hezîranê” dê heta 25ê Îlona 2026an berdewam bikin.
Sêwiranên têkildarî projeyê dê bi rêya lînka https://forms.gle/sqQBZYDLAgfZopfc8 bêne parvekirin.
