Endama Heyeta Îmraliyê û parlamentera Wanê ya DEM Partiyê Pervîn Buldan ragihand ku wan ji bo faîlên Savaş Buldan, Adnan Yildirim û Haci Karay bên dîtin serî li Buroya Lêkolînkirina Kuştinên Faîl ne diyar a di bin banê Wezareta Dadê de hatiye avakirin, dane.
Endama Heyeta Îmraliyê û parlamentera Wanê ya DEM Partiyê Pervîn Buldan li ser hesabê xwe yê medyaya dîjîtal ragihand ku ew bi parêzerê xwe Bişar Alinak re ji bo faîlên Savaş Buldan, Adnan Yildirim û Haci Karay bên dîtin serî li Buroya Lêkolînkirina Kuştinên Faîl ne diyar a di bin banê Wezareta Dadê de hatiye avakirin, dane. Pervîn Buldan di parvekirina xwe de diyar kir ku ew dosya ne tenê bûyereke derbasbûyî ye di heman demê de dosyayeke ku kuştinên siyasî yên nehatine ronîkirin bê nirxandin û wiha got: “Li gor rêgeza hiqûqê divê bûyerên bi vî rengî bi awayekî bi bandor bên lêpirsînkirin û rastî derkeve holê. Ji bo kuştina Savaş Buldan, Adnan Yildirim û Haci Karay bi awayekî bibandor bê lêpirsînkirin û berpirs bên tespîtkirin û darizandin. Em ê şopdarên vê bin.”
