* Hunermend û Endamê Yekitiya Pîşeyî ya Xwediyên Berhemên Muzîkê ya Tirkiyeyê (MESAM) Hîvron derbarê nîqaşên li ser polîtîkaya hişê çêkirî û paşeroja muzîka Kurdî de axivî û got: “Hişê çêkirî tişteke nû naafirîne. Ji her kesekê digire, tevlihev dike û pêşkeş dike. Ne mafê têlîfê, ne heqdestê tu kesê jî nade.”
* Hevberdevk û Endamên Platforma Şiyar Be yên Êlihê diyar kirin ku ew nehêlin li kolan û taxên wan hişbir û tiryak bi hêsanî pêş bikeve û destnîşan kirin ku ew ê li dijî van tiştan her tim li qadan bin.
* Endamên Koma Berxwedan destnîşan kirin ku vebûna deriyê qanûnî û diyalogê di vê serdema nû de gaveke dîrokî û girîng e û diyar kirin ku ew ê xebatên li ser bingehê Manîfestoya Civaka Demokratîk li pêş bixin û bi şêwazeke nûjen rola xwe ya dîrokî bilîzin.
* Dengbêj Selahattîn Guçtekîn anî ziman ku bi saya dengbêjiyê gelek bûyer, serborî û bîranînên di dîroka Kurdan de qewîmine winda nebûne û dengbêjiyê ev nirx di hişê Kurdan de bi cîh kiriye û got: “Dengbêjî sureta hemû dinyayê ye.”
* Karkerên madenê yên ji bo destheqê xwe bigrin hatine Enqereyê, tevî binçavkirin û zexta polisan jî çalakiyên xwe didomînin diyar kirin ku wezaret xwediyê holdingê diparêze û gotin: “Sebahattîn Yildiz bûyê patronê wezaretê jî.”
* 1emîn Mihricana Çand û Hunerê ya Geverê dê di roja duyemîn de didome. (14:00-24:00)
* Platforma Têkoşîna li Dijî Hişbirê Şiyar Be dê li dijî hişbir, tiryak û fihûşê li Taxa Fîskaya ya navçeya Yenîşehîr a Amedê civîna gel li dar bixe. (19:30)
