Ciwanên bi navê Mert Açan û Semîh Açan ên birayê hev ku bi malbata xwe re li qeraxê Gola Wanê hatibûn seyranê, di golê de xeniqîn.
Ciwanên bi navê Mert Açan (22) û Semîh Açan (18) ên birayê hev ku bi malbata xwe re li qeraxê Gola Wanê hatibûn seyranê, di golê de xeniqîn. Malbata Açan ji bo seryanê îro şeveqê hatin peravê Gola Wanê ya li gundê Amîkê ya bi ser navçeya Tûşbaya Wanê ve. Her du bira yên ji bo xwe hînîk bikin ketin golê û bi yek carê ji ber çavan winda bûn. Bavê wan Samî Açan ê ku li hawara zarokên xwe çû nekaribû wan xilas bike. Hate zanîn ku her du birayan jî bi avjeniyê nezanibûye. Welatiyên derdorê li hawara malbata beziyan û Samî Açan û her du kurên wî ji avê derxistin.
Di encama mudaxileya welatiyan de Samî Açan bi ser hişê xwe ve hat.
Welatiyan agahî da tîmên tenduristiyê, AFADê û cendirmeyan û ev tîm sewqî cihê bûyerê hatin kirin.
Tîmên tenduristiyê mudaxileyî her du birayan kirin lê mudaxile encam neda û hat diyarkirin ku her du bira xeniqî ne.
Tîmên tenduristiyê bi ambulansan her du cenazeyan rakirin Navenda Tibê ya Dursun Odabaşi ya Zanîngeha Yuzuncu Yilê ya Wanê.
