Şaredariya Tuşbayê li hemû gundên navçeyê dest bi xebatên çêkirina rê û peyarêyan kiriye. Di vê çarçoveyê de li Gundê Paxanêsê jî xebatên danîna kevirên parkeyê didomîne.
Şaredariya Tûşbayê di çarçoveya xizmeta wekhev de li gundan dest bi çêkirina rê û peyarêyan kir. Şaredariyê ewilî ji Gundê Paxanêsê ku di taxê de cara yekem e ku şaredariyek xebatekî dimeşîne, kevirên parkeyê danîn û ji bo xebatên xwe yên di pêşerojê de bikin jî lêkolîn kir.
Şaredariya Tuşbayê bi xebatên kevirên parke, ku di vê demsalê de li gundan zêde kirine, armanc dike tora veguhastinê ya navçeyê bihêz bike û şertên veguhastina ewletir û rehettir ji bo welatiyan peyda bike. Xebatên ku li Gundê Paxanêsê tên meşandin ji aliyê welatiyan ve jî bi kêfxweşî têne pêşwazîkirin. Niştecihên gund diyar kirin ku Paxanêsê cara yekem xizmetên şaredariyê dîtiye û cara yekem e ku hevşaredarên şaredariyê serdana taxa wan kirine.
