* Wasiyê Rêberê Gelê Kurd Abdullah Ocalan Mazlûm Dînç têkildarî “Qanûna Çarçoveyê” diyar kir ku pêk hatina qanûnê girêdayî şert û mercên Rêberê Gelê Kurd Abdullah Ocalan e û got: “Di bin şert û mercên giran ên zindanê de ne pêkan e ku Serok Apo rola xwe bilîze. Ji bo çareseriyeke bingehîn û mayînde divê Serok Apo azad bibe.”
* Muzîkolog Veysî Varli derbarê dîroka muzîka Kurdî de axivî û got: “Muzîk di aliyê civaknasî de rengê wêneya herêma lê hatiye afirandin e. Çawa ku her neteweyekê alfabeyek heye, di heman de mê de zimanê xwe yê muzîkê jî heye.”
* Hevserokê PYDê Xerîb Hiso destnîşan kir ku ji sedî 80yê entegrasyonê temam bûye û got: “Ev tecrube ji bo demokratîkbûna Suriyeyê derfetek e. Ji bo aştiyeke mayînde divê mafên Kurdan di destûrê de bi awayekî qanûnî bên naskirin. Heke ziman, çand û mafên Kurdan di destûrê de cih negirin, xeteriya aloziyan dê her hebe.”
* Gelê Amedê derbarê “Qanûna Çarçoveyê” de xwest girtiyên siyasî bên berdan, aştî çêbibe û destnîşan kir ku bi tenê derketina qanûnê nabe, divê gav bên avêtin.
* Hunermend Samî Huseynî yê ku hunera xwe ji zilm û qedexeyên dewleta Îranê rizgar kiriye û hewl dide çanda defê bighîjîne nifşê nû diyar kir ku def ji bo wî ne armanca sereke ye lê wesîleya peydakirina mirovan e.
* Cîgirê Hevserokên Giştî yê DEM Partiyê Mehmet Ruştu Tîryakî diyar kir ku piştî qanûna çarçoveyî ket meriyetê dê destê werin avakirin û got: “Desteya 3emîn jî divê li ser navê Tevgera Azadiyê bê avakirin da ku bikarin tev li siyaseta demokratîk bibin. Bawerî û heviya me ew e ku birêz Ocalan jî di wê desteyê de cih bigire.”
*Berdevka DEM Partiyê Ayşegul Dogan dê tekildarî geşedanên di rojevê de li navenda giştî ya partiya xwe daxuyanî bide. (13:00)
