Parlamenterên DEM Partiyê yên Şirnexê Newroz Uysal Aslan û Zekî Îrmez têkildarî rijnadina petrolê ji gundê Dêra ya Şirnexê ji bo bersiv bide peşniyarpirs pêşkêşî Wezîrê Enerjî û Çavkaniyan Alparslan Bayraktar kirin.
Parlamenterên DEM Partiyê yên Şirnexê Newroz Uysal Aslan û Mehmet Zekî Îrmez, têkildarî bîrên petrolê yên li Şirnexê ku bandor li jiyana mirovan dike, ji bo bersivdayînê, pêşniyarpirs pêşkêşî Wezîrê Enerjî û Çavkaniyan Alparslan Bayraktar kirin.
Di metna pêşniyarpirsê de hat destnîşankirin ku lêgerîna petrolê bandor li ax, av û jiyana mirovan dike û welatî ji ber lêgerîna petrolê pirsgirêkê dikşînin. Newroz Uysal Aslan û Zekî Îrmez ji bo bersiv bide ew pirs ji wezaretê pirsin;
*Welatiyên herême diyar kirin ku petrol ketiya nava çemê ku ji gundê Dêra derbas dibe û bandor li ser gelek gundan dike. Agahiya wezaretê ji vê yekê heye yan di qeydên wê û TPAO de ew yek cih digire? Petrolê bandor li çend cihan kiriye ji aliyê we ve hatiye tespîtkirin an na?
*Piştî bûyerê li gundê Dêra ji bo çareseriya pirsgirêkê çi mudaxale ji aliyê kîjan saziyan ve hatiye kirin?
*Her wiha tê gotin ku ji bo bûyer di raya giştî de dernekeve li ser bûyerê hatiye girtin. Gelo ew yek rast e yan ew hatiye lêkolînkirin?
*Têkildarî bûyerê girtekên hatine girtin dê ji raya giştî re bê parvekirin an na?
