Siyasetmedarên girtî Selahattîn Demîrtaş û Selçuk Mizrakli di peyama hevpar a derbarê qanûna çarçoveyê de diyar kirin ku ew piştgirî didin pêvajoyê û wiha gotin: “Ev ne pêvajoyeke dabeşkirin an jî dayîn û standinê ya li ser bazarekî erzan e.”
Hevserokê Giştî yê HDPê yê berê Selahattîn Demîrtaş û Hevşaredarê Berê yê Bajarê Mezin a Amedê ku şûna wî qeyim hatibû tayînkirin Selçuk Mizrakli derbarê hevdîtinên Qanûna Çarçoveyî de peyamek ji Lîjneya Giştî ya Meclîsê re şandin.
Peyama wan bi vî rengî ye:
“Birêz Serok, Birêz Serokên Giştî, Birêz Parlamenter,
Em we cuda cuda bi hemû samîmiyeta xwe silav dikin û hurmetên xwe pêşkêş dikin.
Hêvîdar in hûn ê gaveke din a krîtîk ku xwedî potansiyela guhertina bi koka a çarenûsa welatê me û herêmê me ye û pir girîng e, bi hev re bixin meriyetê.
Bêguman wê nîqaş, rexne û pêşniyar hebin; her yek ji wan hêja ye û tevkarî dide. Lê em dixwazin bê zanîn ku em bi hemû dil, samîmîyet û ciddiyeta xwe ji bo ku aramî û xwişk-biratiya 86 milyon kesan xurt û mezin bikin, di nava vê pêvajoyê de cih girt û bi hemû hêza xwe piştgirî da.
Ev ne pêvajoyeke dabeşkirin an jî dayîn û standinê ya li ser bazarekî erzan e.
Divê tu kes di bin hewldanên hêja de hesabên veşartî û planên qirêj negere û dem nexwe. Aliyên ku bi guman nêz dibin, bila bi qasî ku dixwazin rexne li vê pêvajoyê bikin, lê wê ji xeynî daxwaza me ya hembêzkirina hev û hesta bi Kurd û Tirk re bûyîna Tirkiye tiştekî din nebînin.
Di encama pevçûna 40 salî de, hema hema kes nema ku dilê wê ne birîndar be. Em neçar in ku bi dilpakî pêvajoyê pêşve bibin, êşên xwe parve bikin û mil bi mil ber bi pêşerojê ve bimeşin.
Parlamenterên hêja,
Em hêvî dikin ku her dengê ku hûn bikar bînin aştî, yekitî û xwişk-biratiya me xurt bike û rexne û hişyariyên xwe li ser bingeke çêker diyar bikin. Em hêvî dikin ku ev gava ku em bawer dikin ji bo me hemûyan bibe xêr, di siyasetê de deriyên nû veke û qencî, hevkarî û gihîştîbûnê bide qezenckirin.
Bi vê wesîleyê em spasiya Birêz Serokkomar û Devlet Bahçelî ku di destpêkirin û meşandina pêvajoyeke zehmet de îradeya siyasî bi xurt nîşan da, bi taybet spasiya Birêz Abdullah Ocalan dikin ku ji bo aştiyê hewldanake mezin da.
Cuda cuda spasiya Birêz Numan Kurtulmuş, Ozgur Ozel, Mahmut Arikan, Alî Babacan, Ahmet Davutoglu, Erkan Baş, Seyît Aslan, Kemal Kiliçdaroglu û Zekeriya Yapicioglu dikin ku ji bo xwedîderketin û bi tendurist rêveçûna pêvajoyê tevkarî kirin.
Em spasiya Birêz Musavat Dervîşoglu û Fatîh Erbakan dikin ku bi rexneyên xwe yên neyînî her çiqas ne rasterast jî be tevkarî li pêvajoyê kirin.
Bêguman em spasiya hevalên xwe yên ji DEM Partiyê, Hevserokêm me yên Giştî Birêz Tuncer Bakirhan û Tulay Hatîmogullari û endamên xwe yên Heyeta Îmraliyê dikin ku bi fedakariyên mezin bûn hêza pêvajoyê, bi vê wesîleyê hevalê xwe Sirri Sureyya Onder jî bi rehmet û minetdarî bi bîr tînin û silav û rêzên xwe yên germ ji hemû parlamenteran re dişînin.”
