Îran ji bo jinûve vekirina Tengava Hurmuzê ji DYAyê dixwaze ku hêzên xwe yên leşkerî ji herêmê vekişîne.
Îranê di berdêla jinûve vekirina Tengava Hurmuzê de daxwazên xwe yên ji Dewletên Yekbûyî yên Amerîkayê (DYA) dike, hişk û zêde kir. Konseya Ewlekariya Neteweyî ya Îranê ragihand ku heta DYA ‘nêzîkatiya xwe sererast neke’ wê tengav neyê vekirin.
Îran ji DYAyê dixwaze ku hêzên xwe yên leşkerî yên li herêmê vekişîne, dorpêça deryayî ya li ser bendergehên Îranê rake, dawî li pêkanînan bîne, hebûneyên rawestandî yên Îranê serbest berda û ji ber zerara şer tazmînatê bide.
Wezîrê Karên Derve yê Îranê Abbas Arakçî anî ziman ku ew bi Ûmmanê re nêzî lihevkirinê ne ku rêgehên keştiyan û rêgeha transît diyar bikin, lê belê jinûve vekirina tengavê ya bi temamî girêdayî hin mercên cuda ye.
Ûmman ku navbeynkariyê dike, diyar kir ku hevdîtin di atmosfereke ‘erênî û çêker’ de dewam dike û êrişên li ser keştiyên li Tengava Hurmuzê şermezar kir.
Li aliyê din Îmaratê ragihand ku keştiyeke şîrketa gaz û petrolê ya Abû Dabî Adnocê, dema ku ji Tengava Hurmuzê derbas dibû bû hedefa fuzeya Îranê. Hate ragihandin ku di êrişê de tiştek bi kesî nehat.
Navenda Operasyonên Bazirganiya Deryayî ya Îngilistanê diyar kir ku li peravên bajarê Khasab ê Ûmmanê keştiyek bû hedefa cîsmekî û di ecamê de agir bi keştiyê ket. Hate ragihandin ku keştî û personelên wê ewle ne.
