Gerînendetiya Polîtîkayên Jinan a Şaredariya Peyasê, ji bo xurtkirina hevgirtinê û têkoşîna li dijî tundiya li ser jinan, dest bi rêzeçalakiyê dike. Di çarçoveya vê xebatê de, di navbera meha tîrmeh û îlonê de li şeş parkên cuda dê rêzecivîn bên lidarxistin.
Gerînendetiya Polîtîkayên Jinan a Şaredariya Peyasa Amedê, bi armanca bilindkirina hişmendiya li dijî tundiyê û diyarkirina gavên hevpar ên têkoşînê, di bin dirûşma ‘Gotina me neqediya ye, em ê tundiyê bi hev re bisekinînin!’ de çalakiyan li dar dixe. Li gorî vê yekê, jin dê di navbera 29ê tîrmehê û 2yê îlonê de li şeş parkên cuda bên gel hev.
Gerînendetiyê di daxuyaniya xwe de ev tişt anîn ziman: “Li dijî tundiya li ser jinan em li hev kom dibin, hev digirin, xwe birêxistin dikin û bi hev re têdikoşin. Li parkan em ê bi jinan re werin gel hev û li ser mekanîzmayên têkoşîna li dijî tundiyê gotûbêj bikin. Ji ber vê yekê em dibêjin ‘Gotina me neqediya ye, em ê bi hev re tundiyê bidin sekinandin!'”
Bernameya kombûna li parkan wiha ye:
*29.07.2026 Parka Rojava saet 19.30
*05.08.2026 Parka Ekînê saet 19.30
*12.08.2026 Park 75 saet 19.30
*19.08.2026 Parka Ahmed Arîf saet 19.30
*26.08.2026 Parka Zambakê saet 19.30
*02.09.2026 Parka Mûsa Anter saet 19.30
