Meşvanên Meşa Dirê 22 rojin ji bo azadiya fizîkî ya Rêberê PKKê Abdullah Ocalan dimeşin. Meşvan ji qada Porte Serponeise ya Metzê heta şaredariyê meşiyan.
Çalakiya Meşa Dirêj ku di çarçoveya pêngava “Ji Rêber Apo re Azadî, ji Pirsgirêka Kurd re Çareserî” de 21ê çileyê li bajarê Lorîent ê Fransayê destpê kir, 22 roj li pey xwe hişt. Çalakvanên ku hatin bajarê Metz ê Fransayê, li qada Porte Serponeise bi Kurdistanî û dostên wan re li hev civiyan. Rayedarên Partiya Komunîst a Fransayê jî beşdarî meşê bûn. Di navenda bajarê Metzê de belavokên derbarê Meşa Dirêj ku di çarçoveya pêngava “Ji Rêber Apo re Azadî, ji Pirsgirêka Kurd re Çareserî” de dewam dike, li kesên derdor hatin belavkirin. Di meşê de dirûşmeyên “Bijî Serok Apo”, “Bê Serok Jiyan Nabe”, “Bijî Berxwedana Gerîla”, “Bijî Berxwedana Rojava” û “Ji Rêber Apo re Azadî, ji Pirsgirêka Kurd re Çareserî” berzkirin.
Çalakvanên ku li pêşiya Şaredariya Metz a li Place d’Armes’de li hev civiyan, danezana bi zimanê Fransî xwendin. Piştre rayedarek Partiya Komunîst a Fransayê daxuyanî da. Di daxuyaniyê de ji bo serkeftina Pêngava Azadiyê îşaret bi têkoşîna hevpar hate kirin.
Piştî daxuyaniyê, çalakvanan govend gerandin.
