* Rewşan Doner ev 22 sal in li Stenbolê li gel Dayikên Aştiyê têdikoşe. Ji malbata Rewşan Doner 30 ciwan berê xwe dan çiyayên Kurdistanê û ji wan 23 kes jiyana xwe ji dest dan. Rewşan Doner derbarê serpêhatiya xwe de ev tişt gotin: “Du apên min hatin kuştin, du birayê min şehîd ketin. Birayekî min ev 4 car in em vedişerin. 4 caran bi awayekî hovane ji gora xwe hate derxistin. Tevî hemû êşên kişandine jî dayik aştiyê dixwazin.”
* Di 44emîn salvegera 14ê Tîrmehê de şahidê berxwedana zîndana Amedê Mehmet Şîrîn Tûnç derbarê hovîtiya li Zîndana Amedê de ku bi awayeke demdirêj hatiye domandin axivî û wiha got: “Li dijî wê hovîtiyê jî berxwedaneke dîrokî û mezin hebû. Di kesayetiya wan hevalan de, îro rastiya Kurd û Kurdistanê li temamê cîhanê belav bûye.”
* Rojnameger û Hevberdevka Kampanyaya “Kobanê Nasname Ye” Rebîa Êto der barê polîtîkayên Hikûmeta Demkî ya Şamê yên li ser guhertina navê Kobanê û pêvajoya entegrasyonê de axivî û got: “Hewldanên ji bo guhertina navê Kobanê, berdewamiya hişmendiya rejîma Baasê ye. Kampanya “Kobanê Nasname ye” heta ku encam bigire, dê berdewam bike.”
* Rêvebera ANKA-DERê Emîne Oguz derbarê Konferansa Zimanê Kurdî ya li Amedê hatibû lidarxistin de axivî û diyar kir ku li gorî biryarên di konferansê de hatine girtin dê di serdema nû de Kurdî bibe zimanê sereke yên xebatên saziyan û wiha got: “Wê ji bo zaravayê Kirmanckî saziyek û televîzyonek taybet bên avakirin. Wê Komuna Saziyên Ziman were avakirin. Divê bi taybetî ziman di qada siyasetê de were bikaranîn.”
* Beşdarên Konferansa “Li Tirkiyeyê Pêvajoya Aşitiya Civakî û Mînakên Dinyayê” destnîşan kirin ku divê aştî bi mafê ziman, nasname û gavên şênber ên qanûnî pêk were.
* Komîsyona Girtîgehan a Şaxa ÎHDa Êlihê derbarê rapora binpêkirinên mafên girtiyan ên di sala 2025an de pêk hatine, dê li ber deriyê Kargeha Nasiroglû ya Êlihê daxuyaniyê bide. (12:30)
* Serokwekîla Koma DEM Partiyê Gulistan Kiliç Koçyîgît derbarê geşedanên di rojevê de dê li Meclisê daxuyaniyê bide. (13:30)
