Piştî ku careke din girtiya siyasî Werîşe Muradî ji bo dadgeha Şoreş a Tehranê hate vexwendin, bi sedema ku dadgeh bi fermî neyê naskirin, Werîşe Muradî tevlî rûniştinê nebû.
Malpera Fermî ya Gulbirûx Îranê, ragihand ku girtiya siyasî Werîşe Muradî red kiriye ku tevlî rûniştina dadgehê bibe. Hate ragihand ku girtiya siyasî ya Kurd Werîşe Muradî piştî girtina 3 sal û zêdetirî 5 mehan a li hucreya yek kesî ya, îro dubera ji bo beşa 15’an a Dadgeha Şoreşê ya Tehranê hate vexwendin. Bi sedema ku ew dadgeh ne fermî ye, ew red dike ku tevlî rûniştina wê bibe.
Hêjayî bibîrxistinê ye Werîşe Muradî ji aliyê Şaxa 15’emîn a Dadgeha Şoreşê ya Tehranê ve, bi serokatiya dadger Ebulqasim Salawat, bi tohmeta (serhildana çekdarî li dijî dewletê) cezayê darvekirinê lê hatibû birîn, lê ev biryar ji aliyê Şaxa 9’emîn a Dadgeha Bilind ve bi hinceta kêmasiyên di lêpirsînê de hat betalkirin û doz ji bo ji nû ve darizandinê, ji dadgeha têkildar re hat şandin.
