Enqere – Serokê Amerîkayê Donald Trump ku ji bo Lûtkeya NATOyê hatibû Enqereyê bi Serokkomarê Tirkiyeyê Erdogan re hevdîtin pêk anî. Di hevdîtinê de li ser pirsa rojnamegeran, mijara F-35an, şerê Ukrayna-Rusyayê û rewşa Îranê hat nirxandin.
Serokê Amerîkayê Donald Trump ku bi heyeteke ji bo Lûtkeya NATOyê hatibû Enqereyê ji Qesra Serokkomariyê ya navçeya Yenîmahalle ya Enqereyê bi Serokkomarê Tirkiyeyê re hevdîtin pêkanî. Di hevdîtinê de Serokkomar Erdogan û Trump pirsên rojnamegeran bersivand.
Trump di hevdîtinê de diyar kir ku li balafirgehê avahiyeke ku navê wî li ser bûye dîtiyê û bi vê yekê kêfxweş bû ye. Trump anî ziman ku ew dê têkildarî Îranê û gelek mijaran gotobêj bikin û wiha axivî: “Me hêza wan a lêşkerî lewaz kir û nukluerê ji holê rakir. Tirkiye bû dewleteke bi hêz. Ekîpmanên me jî bikar tînin. Em ê li ser leşkerî û parastinê jî gotûbêj bikin. Em Tirkiyeyê vê ticaretê dikin û têkiliyên me baş in.”
Trump: Tirkiye dewleteke sadiq e
Trump bi lêv kir ku ew dê li ser F-35an jî biryareke bidin û wiha domand: “Em ê di vê mijarê de biryareke bidin. Ji Tirkiyeyê re têkiliyên me jî baş in û Tirkiye dewleteke sadiq e. Em ê jî li ser vê tiştek bifikirin. Weke tê zanîn bûyera Rahîp Buronsun hebû. Min birêz Erdogan geriya û li ser vê demildest hat berdan. Ji bo wê jî navbera min û Erdogan baş e.”
Trump li ser pirsa gelo hûn ê leşkeran ji Ewropa bikişînin an na jî wiha bersiv da: “Em ê bifikirin. Heke Lûtkeya NATOyê ne li Tirkiyeyê bûna em tevlî nedibûn. Di bûyera Îranê de Ewropa got em ne li cem we ne. Me ji wan alîkarî jî nexwest lê pêwistiya me jî tune bû. Lê tevî me alîkariyeke mezin ji wan re kiribû jî li cem me cih negirtin. Îtalya, Almanya û Fransayê em red kirin. Wê demê çima em trîliyonan ji bo wan xerç bikin.”
Mijara F-35an
Serokkomar Erdogan jî diyar kir ku ew dê bandoreke çawa li ser aştiya cîhanê bikin dixebitin û li ser pirsa Xezayê ew tişt got: “Bi taybetî jî em ê li ser Xezayê bi birêz dostê xwe re jî biaxivin. Ji bo aştiyê em ê biaxivin. Ew lûtkeya serokan girîng e.”
Serokkomar Erdogan destnîşan kir ku wan berê jî li ser F-35an ji Amerikayeyê re hevdîtin kirine û wiha got: “Me ji bo 5 balafiran ji Amerîkayê soz girtibû. Birêz Trump jî soz dabû me. Ez bi hêvî me biryareke bi xêr dê derbarê F-35an de derbikeve.”
Erdogan li ser pirsa Ukrayna jî ev tişt anîn ziman: “Em ê li ser rewşa şerê Ukrayna û Rusyayê jî bi birêz dostê xwe re gotûbêj bikin û li ser vê mijarê jî rawestin.”
Erdogan her wiha li ser pirsa balafirên motorên Kaan jî diyar kir ku ew dê li ser mijarê jî rawestin û Trump jî bi lêv kir ku ew li bendê ne mizginiya Erdogan daye wan bidomîne.
‘Cezayê CAATSAYê li dijî Tirkiyeyê rakin’
Trump li ser pirsa hûn ê bi Zelenskî û Putîn re hevdîtin bikin an na jî wiha bersiv da: “Ez bi birêz Putîn re axivîm. Ez ê bi Zelenskî re jî hevdîtin bikim. Hinek zehmet e. Lê weke tê zanîn heta niha min 8 şer bi dawî kir. Karê min jî li hev anîne. Putîn jî Zelenskî jî dixwazin li hev werin. Erdogan jî weke ku di mijara Îranê de alîkariya me kir dê di vê mijarê de jî alîkariya me bike.”
Trump bi lêv kir ku ew naxwazin ji dostên xwe re danekirinan bikin û got ku ew dê cezayê CAATSAYê li dijî Tirkiyeyê rakin.
